घोडगाव (प्रतिनिधी) :
घोडेगावमध्ये Ghodegoan दोन गटांमध्ये झालेल्या जुन्या वादाचे रूपांतर थेट गोळीबारात झाल्याची धक्कादायक घटना गुरुवारी (दि.१२) घडली. या घटनेत एका व्यक्तीचा जागीच मृत्यू झाला असून दुसरा गंभीर जखमी झाला आहे. जखमी व्यक्तीवर जवळच्या रुग्णालयात उपचार सुरू आहेत.
प्राथमिक माहितीनुसार, जुन्या वादातून दोन्ही गट आमनेसामने आले. वाद हाणामारीत बदलला आणि त्यानंतर अचानक गोळीबार झाला. गोळ्या लागल्याने एक जण जागीच कोसळला, तर दुसरा गंभीर जखमी झाला.
घटनेची माहिती मिळताच पोलिसांनी तात्काळ घटनास्थळी धाव घेतली. परिसरात बंदोबस्त वाढवण्यात आला असून परिस्थिती नियंत्रणात आणण्याचे प्रयत्न सुरू आहेत. संबंधितांचा शोध सुरू असल्याचे पोलिसांकडून सांगण्यात आले.
दरम्यान, या घटनेमागे ‘तबामारी’ (जमीन/वर्चस्व) कारण असल्याची गावात चर्चा रंगू लागली आहे. मात्र, अधिकृत कारणाबाबत पोलिसांकडून तपास सुरू असून अद्याप कोणतीही अधिकृत माहिती जाहीर करण्यात आलेली नाही.
या घटनेमुळे घोडगावात भीतीचे वातावरण निर्माण झाले असून नागरिकांमध्ये चिंतेची भावना व्यक्त केली जात आहे.
पोलिसांकडून पुढील तपास सुरू आहे.
