Shah Rukh Khan: बॉलिवूडचा किंग खान अशी ओळख असणाऱ्या शाहरुख खानच्या पठाण चित्रपटाने पहिल्याच दिवशी बॉक्स ऑफिसवर धमाकेदार कमाई केली. या चित्रपटाने अनेक चित्रपटांचे रेकॉर्ड मोडले आहेत.
आता पठाणच्या तिसऱ्या दिवसाच्या कमाईचे अंदाजे आकडे समोर आले आहेत. सध्या अनेक थेटर्स हाऊसफुल असल्याने पठाणचे अॅडवान्स बुकिंग केलं जातंय. अशातच आता शाहरूख खाने मोठं वक्तव्य केलंय.
किंग खानने आस्क एसआरकेच्या (#AskSRK) नावाचा एक ट्रेंड ट्विटरवर सुरू केलाय. त्याच्या माध्यमातून शाहरूखच्या चाहत्यांना प्रश्न विचारता येणार आहेत. त्याची उत्तरं देण्याचा प्रयत्न शाहरूख करतोय. त्याचा हा ट्रेंड जोरदार चर्चेत असल्याचं पहायला मिळतंय. चाहत्यांच्या प्रश्नांची शाहरूखने मजेशीर पद्धतीने उत्तरं दिली. त्यावेळी एका प्रश्नाचं उत्तर दिल्याने शाहरूख पुन्हा चर्चेत आलाय.
काय म्हणाला Shah Rukh Khan ?
सिनेमाचं यश नेमकं कुणाचं?, असा सवाल शाहरूखला करण्यात आला होता. त्यावर उत्तर देताना शाहरूख म्हणतो… प्रेम (Love) हे जात, धर्म, भाषा, प्रदेश या सर्वांपेक्षा वरचढ आहे हे मांडण्याचा प्रयत्न सिनेमाच्या माध्यमातून करण्यात आलाय. या सिनेमाचं यश हे दुसकं तिसरं कोणाचं नसून तुमचं आहे. तुम्ही सर्व भारतीयांना एकत्र आणण्याचं काम करत आहात, असं शाहरूख म्हणाला. तर, जय हिंद म्हणत त्याने भारतीयांना सॅल्युट देखील केलाय.
दरम्यान, शाहरुख तू एवढा सेक्सी (Sexy) का आहेस?, असा प्रश्न शाहरूखला विचारण्यात आला. त्यावर बोलताना शाहरूखने मजेशीर उत्तर दिलंय.
हा..हा.. काय करणार, आता सवय झाली आहे, प्रामाणिकता फक्त पाहणाऱ्यांच्या नजरेत असतो, असं शाहरूख ट्विटवर म्हणाला आहेत. त्याचे ट्वीट सध्या जोरदार चर्चेत असल्याचं पहायला मिळतंय.
