जामखेड प्रतिनिधी: धनराज पवार
जामखेड राज्य शासकीय निमशासकीय शिक्षक व शिक्षकेतर सर्व कर्मचारी जुनी पेन्शन साठी संपामध्ये सहभागी झालेल्या सहावा दिवस आहे. यावेळी अध्यक्ष एकनाथ (दादा) चव्हाण होते, प्रमुख उपस्थिती विस्तार अधिकारी संघटना राज्याध्यक्ष संतोष ठोंबरे , गटशिक्षणाधिकारी कैलास खैरे, राष्ट्रवादी जिल्हा सरचिटणीस राजेंद्र पवार, डॉक्टर संजय भोरे ,नागेश शाळा व्यवस्थापन समिती अध्यक्ष अशोक यादव, कृती समिती अध्यक्ष युवराज ढेरे पाटील, सचिव ज्ञानेश्वर कोळेकर, संतोष राऊत सर ,मुकुंदराज सातपुते, नारायण राऊत, प्राचार्य सोमनाथ उगले, पांडुरंग मोहोळकर,तुळशीराम भोजने, दशरथ कोपनर ,संतोष डमाळे, जाकीर शेख व सर्व संपात सहभागी कर्मचारी उपस्थित होते.
विस्तार अधिकारी संघटना राज्याध्यक्ष संतोष ठोंबरे यांनी मनोगतामध्ये अभी नही तो कभी नही सर्वांनी एकत्र येऊन संप यशस्वी होत आहे सरकारला आपले मागणे मान्य करावे लागणार आहे. असे मनोगत व्यक्त केले. नागेश विद्यालय शाळा व्यवस्थापन समिती अशोक यादव यांनी कोविड काळामध्ये आपण कर्मचाऱ्यांनी जीवाची परवा न करता ड्युटी केली आहे. आमचा संपाला शंभर टक्के पाठिंबा आहे जुनी पेन्शन कर्मचाऱ्यांना लागू झालीच पाहिजे असे मनोगत व्यक्त केले.
अध्यक्ष एकनाथ (दादा) चव्हाण यांनी संपात कितीही अडचण आली तरी आपण यशस्वी करणार आहोत , कोणत्याही परिस्थितीत माघार घेतली जाणार नाही असा निश्चय केला आहे, यामुळे आपल्याला जुनी पेन्शन मिळणार आहे,आपण कोणाच्या विरोधात नाही आपण आपल्या हक्कासाठी लढत आहोत. असे मनोगत व्यक्त केले.
