जामखेड (प्रतिनिधी): शहरातील नुरानी कॉलनी रोड परिसरात बुधवारी रात्री साडेसातच्या सुमारास कुख्यात गुन्हेगार प्रवृत्तीचा सागर मोहळकर याच्यावर अज्ञात हल्लेखोरांनी गोळीबार केला. मोटारसायकलवरून आलेल्या हल्लेखोरांनी जवळ जात त्याच्यावर तीन ते चार गोळ्या झाडल्याची माहिती समोर आली आहे.VSR ला वाचवतंय? रोहित पवारांचा गंभीर आरोप – अजित पवारांच्या विमान अपघातावर नवे प्रश्न
या घटनेनंतर परिसरात एकच खळबळ उडाली. जखमी अवस्थेत असलेल्या मोहळकर याला स्थानिक नागरिकांच्या मदतीने तत्काळ खासगी रुग्णालयात दाखल करण्यात आले. डॉक्टरांनी प्राथमिक तपासणीत त्याच्या शरीरात तीन ते चार गोळ्या असल्याचा अंदाज व्यक्त केला असून त्याची प्रकृती गंभीर असल्याचे सांगितले जात आहे. पुढील उपचारासाठी त्याला हलविण्यात आले आहे.
सागर मोहळकर याच्यावर यापूर्वीही विविध गुन्ह्यांची नोंद असून जामखेड पोलिसांनी त्याला एक वर्षासाठी हद्दपार केले होते. दोन दिवसांपूर्वी त्याच्या वडिलांनी त्याच्याविरोधात पोलिस ठाण्यात तक्रार दाखल केल्याची माहिती मिळत आहे. सध्या तो जामिनावर बाहेर असल्याचे समजते.
गोळीबारामागील नेमके कारण अद्याप स्पष्ट झाले नसून हल्लेखोर फरार आहेत. पोलिसांकडून घटनास्थळी पंचनामा करून तपास सुरू करण्यात आला आहे.
