अहमदनगर : नगरचे नूतन जिल्हाधिकारी म्हणून श्री.सिद्धाराम सालीमठ यांची जिल्हाधिकारी म्हणून नियुक्ती करण्यात आले आहे, तर नगरचे माजी जिल्हाधिकारी राजेंद्र भोसले यांची मुंबई उपनगर येथे जिल्हाधिकारी म्हणून नियुक्त करण्यात आली असून त्याबाबतचे आदेश येथील प्रशासनाला प्राप्त झाले आहे.
नगरचे जिल्हाधिकारी डॉक्टर राजेंद्र भोसले हे गेल्या अडीच वर्षापासून नगर येथे जिल्हाधिकारी पदावर कार्यरत होते, त्यांच्या कारकिर्दीमध्ये नगर जिल्ह्यातील महसूल यंत्रणा मध्ये अनेक विषय हाताळले गेले ,त्यामध्ये महसूल विभागाचे डिजिटल उतारे कशा पद्धतीने मिळतील याकरता विशेष प्रयत्न केले, त्यांच्याच कारकिर्दीमध्ये नगरच्या नूतन जिल्हाधिकारी कार्यालयाच्या सुद्धा उद्घाटनाचा विषय झाला तसेच महसूल यंत्रणा गतिमान करण्यासाठी त्यांनी विशेष मोहीम सुद्धा या जिल्ह्यामध्ये राबवली. अनेक विषयांच्या दांडगा अभ्यास त्यांचा होता नगर जिल्ह्यामध्ये त्यांनी यशस्वीरित्या त्यांची कारकीर्द केली. शेतकरी वर्गाला नुकसान भरपाई मिळावी याकरता त्यांनी गाव पातळीवर जाऊन पंचनामाचा विषय चांगल्या पद्धतीने हाताळला होता प्रशासनावर त्यांचा चांगला पगडा सुद्धा होता.
आज भोसले यांची नियुक्ती मुंबई उपनगर जिल्हाधिकारी या ठिकाणी करण्यात आले आहेत नगरचे नूतन जिल्हाधिकारी म्हणून सिद्धरामण सालीमठ यांची नियुक्ती करण्यात आली असून ते या अगोदर मुंबई येथे सिडको चे सहसंचालक म्हणून कार्यरत होते या अगोदर त्यांनी पालघर या ठिकाणी सुद्धा जिल्हाधिकारी म्हणून काम पाहिलेले आहे यांच्या बदलीचे आदेश आज येथील प्रशासनाला प्राप्त झाले आहे.
