चेहऱ्यावरील मुरूमं आणि पुरळ
कापराच्या तेलामध्ये आढळणारे अँटीबॅक्टेरियल घटक हे त्वचेवरच्या मुरूमांना आणि पुरळ घालविण्यासाठी मदत करतात. याशिवाय कापूर तेल रोज उपयोगात आणल्यामुळे अर्थात रोज लावल्याने मुरूमांमुळे चेहऱ्यावर आलेले डाग निघून जाण्यासही मदत मिळते. याचा वास काही जणांना कदाचित सहन होणार नाही. मात्र त्याचा फायदा अधिक आहे. त्यामुळे तुम्ही याचा नियमित वापर करून घ्या.
फुटलेल्या टाचांवर रामबाण उपाय
थंडीच्या दिवसात किंवा काही जणांना १२ महिने टाचा फुटण्याचा त्रास होत असतो. टाचा फुटल्यावर अधिक प्रमाणात इन्फेक्शनही होते. हे इन्फेक्शन टाळण्यासाठी तुम्हाला कापूर तेलाचा उपयोग करून घेता येतो. कोमट पाणी एका बादलीत घ्या आणि त्यात कापूर तेल मिक्स करा. यानंतर त्या पाण्यात पाय थोडावेळ घालून बसा. नंतर पाय बाहेर काढून टाचा व्यवस्थित हलक्या हाताने टॉवेलने पुसा. काही दिवस हा प्रयोग रोज करा. तुम्हाला काही दिवसातच याचा चांगला परिणाम दिसून येईल आणि पायही अधिक चांगले दिसू लागतील.
कोंडा होईल कमी
कोंड्याच्यी समस्या ही अत्यंत कॉमन समस्या आहे. यासाठी अनेक उपाय केले जातात. पण कापूर तेलाचा केसांवर नियमित वापर केल्याने केसांमधील कोंडा कमी होतो. तुम्ही कापराच्या तेलाने केसांना मसाज करा. तसंच दुसरी पद्धथ म्हणजे दही घ्या आणि त्यात कापराचे तेल मिक्स करून घ्या. हे मिश्रण केसांना लावा. काही वेळ तसंच ठेवा आणि मग थोड्या वेळाने केस धुवा. यामुळे केस अधिक चमकदार आणि मऊसुत होतात.
विशेष सूचना – तुमच्या त्वचेला कोणतीही अलर्जी असेल तर हे तेल वापरण्याआधी पॅच टेस्ट नक्की करून घ्या. अनेक त्वचारोगतज्ज्ञांनी या कापराच्या तेलाबाबत सांगितले आहे. तसंच सोशल मीडियावरही अनेक व्हिडिओ प्रात्यक्षिक म्हणून दाखवले जातात. हे वापरण्यापूर्वी मात्र तुम्ही डॉक्टरांचा योग्य सल्ला घ्या आणि वापरा.
