सोमराज बडे ,पाथर्डी प्रतिनिधी
महाराष्ट्र शासन महसूल विभागाने सातबारा उतारे जमिनीच्या संदर्भात सर्व नोंदी ऑनलाईन करण्याचा कालावधी ठरवून महसूल प्रशासनाला बंधनकारक केलेले असताना खरवंडी कासार सजा तलाठी कार्यालय येथे खरवंडी कासार आणि परिसरातील शेतकऱ्यांची जमीन खरेदी विक्री जमिनीतील फेर- फार व्यवहार जमिनीची नोंद विहिरीची नोंद सरकारी गायरान जमिनीवरील केलेले अतिक्रमण न काढता बेकायदेशीररित्या चाललेले धंदे यांना आर्थिक देवाण-घेवाण करून पाठबळ देऊन तलाठी कार्यालय येथील कामगार तलाठी जालिंदर सांगळे हे शेतकऱ्यांची लूट करत आहेत
खरवंडी कासार येथील तलाठी कार्यालय हे सजा तलाठी कार्यालय न राहता लुटारूंचा अड्डा बनला आहे त्याचबरोबर तलाठी कार्यालयामध्ये स्वच्छता न ठेवता मराठी कार्यालयमध्ये पान मावा दारूच्या बाटल्या पडलेल्या आढळून आल्याने पाथर्डी तहसील महसूल प्रशासनाचा भोंगळ कारभार चव्हाट्यावर आला आहे खरवंडी परिसर भागातील मोठ्या प्रमाणात ऊसतोड कामगार शेतकरी मजूर असल्याने या भागातील जमिनीच्या खरेदी विक्री व नोंदीसाठी तलाठी कार्यालयात शेतकऱ्यांची मोठ्या प्रमाणावर फसवणूक केली जात आहे.
सरकारी कर्मचाऱ्यांना मुख्यालयी थांबण्याचे आदेश असतानासुद्धा खरवंडी कासार येथील कामगार तलाठी सजा कार्यालयात महिन्यातून फक्त दोन वेळा आपल्या कार्यालय कामकाजासाठी उपस्थित असतात शेतकऱ्यांची कामे असले तर त्यांना पाथर्डीला या असा सरकारी आदेश धाडतात एवढी मुजोरी तलाठी जालिंदर सांगळे यांची वाढली आहे एवढेच नाही तर खरवंडी कासार सजा येथे सरकारी सेवेत असलेले तलाठी जालिंदर सांगळे यांनी बोगस अपंगाचे प्रमाणपत्र देऊन रत्नागिरी येथे महसूल प्रशासनात तलाठी या पदावर रुजू झाले आहेत
अशी माहिती प्राप्त झाली आहे यामुळे जिल्हाधिकारी सिद्धरामन सलीमठ यांनी तातडीने कामगार तलाठी जालिंदर सांगळे यांची चौकशी करत जालिंदर सांगळे यांना निलंबित करून त्यांच्यावर कायदेशीर कारवाई करावी.अशी मागणी केली जात आहे.
