जामखेड प्रतिनिधी : धनराज पवार
दि.०३/०४/२०२३ रोजी कृषि उत्पन्न बाजार समिति निवडणूक २०२३ साठी शेतकरी मतदार संघ ग्रामपंचायत मधून कृषि उत्पन्न बाजार समिति चे माजी संचालक सागर सदाफुले यांनी उमेद्वारी अर्ज सहायक निवडणूक अधिकारी एन.बी.मुंढे यांच्याकडे दाखल केला.
यावेळी कृषि उत्पन्न बाजार समिति चे माजी सभापती गौतम उतेकर,मनसे तालुका अध्यक्ष प्रदीप टापरे,शिवसेना तालुका प्रमुख (उध्दव ठाकरे) संजय काशिद,भिमटोला ग्रुप चे बापूसाहेब गायकवाड,समता ग्रुप चे अध्यक्ष संतोष गव्हाळे, मा. सरपंच शिवाजी ससाणे, उपसरपंच अविनाश गायकवाड, ग्रा.पं.सदस्य विजय देडे, उपसरपंच पै. दत्ता शिंदे आदी उपस्थित होते
याबाबत माहिती अशी की,कृषि पतसंस्था आणि बहुउद्देशीय सहकारी संस्था मतदारसंघातून 11 सदस्य निवडले जाणार आहेत. या मतदारसंघात सर्वसाधारण 7, महिला राखीव 2, इतर मागास प्रवर्ग 1, विमुक्त जाती / भटक्या जाती 1 असे उमेदवार निवडले जाणार आहेत. तर ग्रामपंचायत सदस्य प्रतिनिधी या मतदारसंघासाठी 4 जागा आहेत. यामध्ये सर्वसाधारण 2, अनुसूचित जाती जमाती 1 आणि आर्थिक दुर्बल घटक 1 असे सदस्य निवडले जाणार आहेत. व्यापारी / आडते मतदारसंघासाठी 2 जागा आहेत.
हमाल/ मापाडी मतदारसंघासाठी 1 जागा आहे. असे एकुण 18 जागांसाठी निवडणूक होणार आहे. या निवडणुकीसाठी सहाय्यक निबंधक जामखेड हे निवडणूक निर्णय अधिकारी असणार आहेत.
उमेदवारी अर्ज दाखल करणे 27 मार्च 2023 ते 3 एप्रिल 2023 ( वेळ – सकाळी 11 ते दुपारी 3 ) ठिकाण – निवडणूक कार्यालय अर्ज छाननी – 5 एप्रिल 2023 (सकाळी 11 वाजता) ठिकाण – निवडणूक कार्यालय वैध अर्जाची यादी प्रसिद्ध करणे – 6 एप्रिल 2023 (सकाळी 11 वाजता) निवडणूक कार्यालय व संस्था नोटीस बोर्ड अर्ज मागे घेण्याची तारीख 6 एप्रिल 2023 ते 20 एप्रिल 2023 (सकाळी 11 ते दुपारी 3 ) निवडणूक कार्यालय चिन्ह वाटप – 21 एप्रिल 2023 रोजी सकाळी 11 वाजता ( निवडणूक कार्यालय व संस्था नोटीस बोर्ड)
मतदान – 30 एप्रिल 2023 (वेळ सकाळी 8 ते 4 ) स्थळ नंतर घोषित करण्यात येईल निकाल – 30 एप्रिल 2023 रोजी सायंकाळी 5 वाजता (स्थळ व तारीख नंतर घोषित करण्यात येईल)निकाल घोषणा – मतमोजणी दिवशी ठिकाण व निकाल तारीख जाहीर करण्यात येईल.
