लटके वस्ती येथील गुणवंत विद्यार्थी, शिक्षक व पालक यांचा गटशिक्षणअधिकारी बाळासाहेब धनवे यांच्या हस्ते सत्कार
जामखेड प्रतिनिधी: धनराज पावर
जामखेड तालुक्यातील जिल्हा परिषद प्राथमिक शाळा लटके वस्ती येथील शिष्यवृत्ती परिक्षेत एकूण सात विद्यार्थी जिल्हा गुणवत्ता यादित आल्यामुळे जामखेड पंचायत समिती चे शिक्षणधिकारी बाळासाहेब धनवे यांनी पुढाकार घेवून ज्याप्रमाणे “शासन आपल्या दारी’ हा कार्यक्रम राबवला जात आहे, तीच प्रेरणा घेवून गटशिक्षणाधिकारी बाळासाहेब धनवे यांनी या उपक्रमा अंर्तगत शिष्यवृत्ती प्राप्त विद्यार्थी शिक्षक व पालक यांचा सत्कार करण्यासाठी कार्यालयातील सर्व अधिकारी कर्मचारी वर्ग शाळेवर जावून सत्कार केला.
Table of Contents
यावेळी गटशिक्षणअधिकारी बाळासाहेब धनवे,शिक्षणाविस्तार अधिकारी सुनिल जाधव, गणपत चव्हाण, केंद्रप्रमुख राम निकम, संतोषकुमार राऊत, सुरेश, मोहिते ,मल्हारी पारखे, बाबासाहेब कुमटकर, रामदास गंभिरे, संतोष वांढरे, नारायण राऊत,तसेच गटसाधन केंद्रातील कर्मचारी सुनिल भामुद्रे तुषार तागड,जावेद शेख,मुद्दसर शेख, रमेश गिते शाहू फाळके, संतोष कदम, जहाँगीर मुलाणी, श्रीमती नागरगोजे, श्रीमती झिंझुर्के आदी
विद्यार्थी,पालक,शाळा व्यवस्थापन स. अध्यक्ष आदि मान्यवर मोठ्या संख्येने उपस्थित होते
12 फेब्रुवारी 2023 रोजी झालेल्या शिष्यवृत्ती परीक्षेत जिल्हा परिषद प्राथमिक शाळा लटकेवस्तीच्या सात विद्यार्थ्यांनी जिल्हा गुणवत्ता स्थान मिळवले होते या विद्यार्थ्यांना कौतुकाची थाप म्हणून गटशिक्षणाधिकारी बाळासाहेब धनवे यांनी यशस्वी विद्यार्थ्यांचा सत्कार करण्यासाठी आज रोजी लटके वस्ती येथे भेट देऊन चिरंजीव शंभूराजे केशवराज कोल्हे ,साईश नवनाथ बहिर ,राजवीर रविंद्र भापकर,गौरव सुभाष लवांडे,कुमारी लक्ष्मी संभाजी लटके ,श्रेया बबन गव्हाणे ,तनया बाळकृष्ण निकम गुणवंत विद्यार्थ्यांचा तसेच मार्गदर्शन करणाऱ्या आदर्श शिक्षिका अनिता पवार, रसिका गाढवे व पालक यांचा सत्कार केला.
” आजतागायत जिल्हा परिषद प्राथमिक शाळेवर प्रथमच गटशिक्षणअधिकारी कार्यालयातील सर्व अधिकारी व कर्मचारी यांनी भेट देऊन विद्यार्थी शिक्षक व पालक यांचा सत्कार केला.ही पहिली च वेळ असल्याने विद्यार्थी शिक्षक व पालक यांच्या मध्ये आनंदाचे वातावरण दिसून आले.
