तालुक्यामध्ये कॉपी मुक्त अभियान; विविध आकस्मिक पथकांची निर्मिती करणार – गटविकास अधिकारी प्रकाश पोळ
जामखेड प्रतिनिधि: धनराज पवार
सन २०२३ इयत्ता १० वी व १२ वी बोर्ड च्या परीक्षा २१ फेब्रुवारी पासून सुरु होत आहे.आज रोजी ल.ना.होशिंग विद्यालय येथे जामखेड तालुक्यातील सर्व परीरक्षक व केंद्र संचालक यांची बैठक घेण्यात आली. या बैठकीसाठी गटविकास अधिकारी प्रकाश पोळ,पोलीस निरीक्षक संभाजी गायकवाड,गटशिक्षणाधिकारी कैलास खैरे यांच्या उपस्थितीमध्ये बैठक घेण्यात आली.
या बैठकीच्या अनुशंगाने या वर्षी कॉपी मुक्त अभियान संपूर्ण महाराष्ट्रा मध्ये राबविण्यात येणार असून या परिक्षेसाठी वेगळे महत्व प्राप्त होणार आहे .यावर्षी इयत्ता १० वी व इयत्ता १२ वी च्या परीक्षा कॉपी मुक्त व भय मुक्त घेण्यात येईल. या परीक्षेसाठी वेगवेगळ्या स्तरावर विविध आकस्मिक पथकांची निर्मिती केली असून ही परीक्षा अगदी निकोप वातावरणात जामखेड तालुक्यात पार पाडली जाणार असल्याचे गटविकास अधिकारी प्रकाश पोळ यांनी बैठकीत सांगितले.
या बैठकीसाठी पोलीस निरीक्षक संभाजी गायकवाड यांनी इयत्ता १० वी व इयत्ता १२ वी परीक्षा यंत्रणेला सहकार्य करण्याचे अश्वासन दिले.
याप्रसंगी इयत्ता १० वी केंद्र – ल.ना.होशिंग विद्यालय जामखेड ( श्रीकांत होशिंग) , श्री नागेश विद्यालय,जामखेड ( कोकाटे सर) ,नंदादेवी विद्यालय,नान्नज ( नागरगोजे सर) ,खर्डा इंग्लिश स्कूल ( पाटील सर), अरणेश्वर विद्यालय,अरणगाव ( चांडे सर) तसेच इयत्ता १२ वी केंद्र संचालक ल.ना.होशिंग विद्यालय जामखेड ( पोपट जरे ), श्री नागेश विद्यालय ( भगवान मडके सर) , खर्डा इंग्लिश स्कूल ( सोमनाथ उगले सर), स्व.एम. ई.भोरे विद्यालय, पाडळी( अस्मिता जोगदंड) ,नंदादेवी विद्यालय,नान्नज ( एल एन सावंत सर), ना.भा.तांबे ज्यु काँलेज,काटेवाडी ( घुमरे सर) जामखेड तालुका इयत्ता १० वी व इयत्ता १२ वी परिरक्षक श्री कुंभार एस एस हे कामकाज पाहणार आहेत.
