ठेकेदाराची चौकशीची मागणी ,कारवाई न झाल्यास उपोषण !
जामखेड प्रतिनिधी: धनराज पवार
जामखेड शहरातील बीड रोड ते पोलीस स्टेशन पर्यंत च्या झालेल्या कॉँक्रिट रस्त्याचे काम निकृष्ठ झाले असुन एका वर्षाच्या आतच सदर रस्त्याच्या एका बाजुचा रस्ता अक्षरशः भेगा पडून मटेरियल निघाले असूनसुद्धा याकडे दुर्लक्ष केले जात आहे.
सोमवार दिनांक १७ व १८ जुलै २०२३ रोजी उप अभियंता सार्वजनिक बांधकाम विभाग चे शशिकांत सुतार व जामखेड नगर परिषदे चे मुख्याधिकारी अजय साळवे यांना बीड रोड ते पोलीस स्टेशन पर्यंत च्या झालेल्या कॉँक्रिट रस्त्याचे निकृष्ट दर्जाचे कामाबाबत निवेदन देण्यात आले.यावेळी शिवसेना जिल्हा उपप्रमुख सरफराज पठाण, अल्पसंख्याक जिल्हा अध्यक्ष मुस्तफा (मेजर) शेख, अल्पसंख्याक तालुका अध्यक्ष मोहसिन सय्यद , भैय्या शेख आदी उपस्थित होते.
याबाबत माहिती अशी की, शिवसेना जिल्हा उपप्रमुख सरफराज पठाण यांनी सार्वजनिक बांधकाम विभागाच्या अधिकाऱ्यांना या रस्त्याचे काम निकृष्ट दर्जाचे झाले होते असे त्यांनी कळविले होते. व जामखेड नगरपरीषदेचे तत्कालीन मुख्याध्याधिकारी मिनिनाथ दंडवते हे सदर ठिकाणी आले असता त्यांच्या सुद्धा निदर्शनास आणुन दिले होते. परंतु त्यावर काही कारवाई करण्यात आलेली नाही.
शासनाचा भलेमोठा पैसा खर्च करून अशा निष्कृष्ठ दर्जाचे काम करणाऱ्या ठेकेदार व नित्कृष्ठ कामाची चौकशी करून संबधितांवर कारवाई करण्यात यावी. सदर नित्कृष्ठ कामाची १५ दिवसात चैकशी करून कारवाई न झाल्यास मी उपोषणास बसणार असून पुढे काही बरे वाईट झाल्यास त्यास संबंधित यंत्रणा जबाबदार असणार आहे.
