खासदार सुजय विखे पाटील यांच्या संपर्क कार्यालयच्या वतीने सत्कार
जामखेड प्रतिनिधी धनराज पवार
जामखेड ( Jamkhed)शहरातील युवा नेते जमीर सय्यद गेली २२ वर्ष पासुन काँग्रेसचे निष्ठावंत कार्यकर्ते असून त्यांनी विविध पदे भुषवली आहेत.पंरतू एवढी वर्ष एकनिष्ठ कामे करुन ही त्यांना न्याय मिळत नसल्याने अखेर दि.११ मार्च २०२३ रोजी कर्जत येथे राज्याचे उपमुख्य मंत्री ना. देवेंद्र फडणवीस, महसूल मंत्री तथा पालकमंत्री ना. राधाकृष्ण विखे पाटील व आमदार प्रा. राम शिंदे यांच्या उपस्थित शेकडो कार्यकत्यासह भाजपा मध्ये प्रवेश केला आहे.
आज रोजी अहमदनगर दक्षिण चे लोकप्रिय खासदार डॉ. सुजय विखे पाटील यांच्या जामखेड येथील संपर्क कार्यालय येथे शाल, श्रीफळ देवून जमीर सय्यद(बारुद) यांचा सत्कार करण्यात आला.
यावेळी बारुद म्हणाले की, पक्षा च्या ध्येय धोरण व पक्षाची भुमिका सर्व सामान्य जनतेपर्यंत पोहचवण्याचे एकनिष्ठ पणे काम करेल. माजी सभापती डॉ.भगवान मुरुमकर, खासदार डॉ. सुजय विखे पाटील यांचे स्विय सहायक अरुण म्हस्के , प्रा.युवा मोर्चा तालुका अध्यक्ष शरद कार्ले,माजी जिल्हा परिषद सदस्य सोमनाथ पाचरणे, सरपंच बापुराव ढवळे, प्रा. अरुण वराट,डॉ.गणेश जगताप , अशोक महारनवर , उमेश रोडे, किरण पवार , शिवाजी पवार, अशोक शिंदे , बजरंग पवार , हरिदास माने, गणेश पोकळे आदी पदाधिकारी व कार्यकर्ते उपस्थित होते.
