नगर – वसंत टेकडी येथील डॉ.ना.ज.पाउलबुधे कॉलेज ऑफ फार्मसी मधील अंतिम वर्षातील साहिल नेटके व वरुण पाटणी या दोन विद्यार्थ्यांनी अभियांत्रिकी स्नातक अभिक्षमता परिक्षा (गेट) प्रवेश फेरीसाठी पात्र ठरले आहेत.
सदर पात्रतेमुळे पदव्युत्तर अभ्यासक्रमासाठी अनेक प्रकारच्या संधी त्यांना उपलब्ध होणार आहेत. साहिल व वरुण हे एम.टेक. प्रवेशासाठी पात्र झाल्यामुळे त्यांच्या या यशाचे सर्वत्र कौतुक होत आहे.
या यशाबद्दल त्यांचे संस्थेचे अध्यक्ष विनय नाथ पाउलबुधे, सदस्य साई पाउलबुधे, बी.एड्.च्या प्राचार्या डॉ.रेखाराणी खुराणा, बी. फार्मसीचे प्राचार्य डॉ.निलेश जाधव, डी. फार्मसीच्या प्राचार्या अनुराधा चव्हाण, पदाधिकारी, शिक्षकवृंद व शिक्षकेतर कर्मचारी आदिंनी या दोघांचे कौतुक केले आहे.
