सोमराज बडे,पाथर्डी वृत्तसेवा
पाथर्डी : तालुक्यातील माणिकदौंडी घाटात इथेनॉलचा टँकर पलटी झाला. या अपघातादरम्यान टँकरने पेट घेतल्याने आत बसलेल्या दोघांना बाहेर निघता न आल्याने मयत झाले, तर अन्य काहीजण जखमी झाल्याची घटना गुरुवारी (दि. ६जुलै) ११ वाजण्याच्या सुमारास घडल्याची माहिती समजली आहे.
गणेश रामराव पालवे (वय ४२ रा.पालेवाडी), सुरैया बशीर शेख (वय ४६ रा. माळी बाभूळगाव ता. पाथर्डी) असे दोन जण आगीत जळून मृत झालेल्याचे नावे आहेत. लहू सांडू पवार वय ५३, सुमन लहू पवार वय ४९, जगदीश जगन पवार वय ३, कोमल जगन पवार वय ७ (रा. विसरवाडी ता. पैठण) असे जखमीचे नावे आहेत.
गणेश पालवे हा या टँकरचा दुसरा चालक असून गणेश हा टँकरच्या डाव्या बाजूला बसलेला होता, त्याच बाजूने टँकर पलटल्याने तो टँकर खाली सापडला त्यामुळे चेहरा जळाला नसून उर्वरित शरीर मात्र आगीमध्ये पूर्ण जळून खाक झाले आहे. तर महिला पूर्णतः जळून खाक झाली आहे.
पहा व्हिडिओ
पाथर्डी तालुक्यातील माणिकदौंडी घाटात इथेनॉल वाहुतक करणाऱ्या टँकरला लागली आग.. दोन जणांचा मृत्यू.. अनेक जण जखमी#इथेनॉल pic.twitter.com/tpAUV9ZDKz
— Mahalokwani (@mahalokwani) July 6, 2023
गुरुवारी सकाळी साडे दहा वाजण्याच्या सुमाराला माणिकदौंडी घाटाच्या पायथ्याला वळणावर इथेनॉलने भरलेला टँकर उलटून अपघात झाला. त्यानंतर टँकरमधील पाच जण सुखरूप बाहेर काढण्यास स्थानिकांना यश आले. तर टँकर चालवणारा मुख्य चालक दादासाहेब अंकुश केकाण टँकरमधून उडी मारून पळाला. गणेश पालवे व सुरैया बशीर शेख हे दोन जण टँकर मध्ये अडकल्याने त्याचा आगीत होरपळून मृत्यू झाला आहे. जखमींना पाथर्डीमधील उपजिल्हा रुग्णालयात उपचारासाठी दाखल करण्यात आले.
फक्त 999 मध्ये Jio चा 4G फोन Jio Bharat V2 लाँच; खरेदीसाठी ग्राहकांची गर्दी.!
घटनेची माहिती मिळताच सहाय्यक पोलीस निरीक्षक रामेश्वर कायंदे, पोलीस हवालदार नितीन दराडे, राम सोनवणे, अल्ताफ शेख, सुहास गायकवाड, किशोर लाड, प्रल्हाद पालवे यांनी घटनास्थळी धाव घेतली. पाथर्डी नगरपरिषदेच्या अग्निशमन दलाने टँकरची लागलेली आग आटोक्यात आणून विझवली. त्यानंतर पोलिसांनी आगीमध्ये मृत झालेल्या व्यक्तींची ओळख पटवून नावे निष्पन्न केले. टँकरचा फरार झालेला मुख्यचालक दादासाहेब केकाण याचा पोलीस शोध घेत आहेत.
