कुरकुंभ एमआयडीसीतील कंत्राटी कामगारांच्या विविध प्रश्नांसंदर्भात राज्याचे कामगार मंत्री सुरेश खाडे यांची आज आमदार अॅड. कुल यांनी विधानभवन येथे भेट घेतली
महालोकवाणी न्यूज:
पुणे जिल्हा प्रतिनिधी: बबनराव धायतोंडे
महाराष्ट्र इमारत व इतर बांधकाम कामगार कल्याणकारी मंडळ तसेच कुरकुंभ एमआयडीसीतील कंत्राटी कामगारांच्या विविध प्रश्नांसंदर्भात राज्याचे कामगार मंत्री सुरेश खाडे यांची आज आमदार अॅड. कुल यांनी विधानभवन येथे भेट घेतली. कंत्राटी कामगारांना नियमानुसार सुविधा न पुरविता खोटी कारणे देऊन कामावरुन काढून टाकणे, नियमबाह्य पद्धतीने प्रोडक्शन लाईन वर काम करायला लावणे, पगार कपात करणे असे प्रकार राज्यातील औद्योगिक वसाहतीमध्ये वारंवार घडत असल्याचे आमदार अॅड. कुल यांनी मंत्री खाडे यांच्या निदर्शनास आणून देत याबाबत शासनाने योग्य कार्यवाही करावी अशी मागणी केली
तसेच महाराष्ट्र इमारत व इतर बांधकाम कामगार कल्याणकारी मंडळाद्वारे राबविण्यात येणाऱ्या योजनांची अंमलबजावणी कालबद्ध रित्या करावी तसेच प्रधानमंत्री आवास योजनेअंतर्गत पात्र बांधकाम कामगारांना स्वतःच्या मालकीच्या जमिनीवर घरबांधणीसाठी महाराष्ट्र इमारत व इतर बांधकाम कामगार कल्याणकारी मंडळाद्वारे प्रति लाभार्थी रु २ लक्ष अनुदान देण्याची मागणी मंत्री खाडे यांचेकडे केली.
दोन्ही मागण्याबाबत सकारात्मक कार्यवाहीचे आश्वासन कामगार मंत्री सुरेश खाडे दिले असल्याचे आमदार अॅड. कुल यांनी सांगितले
