जामखेड प्रतिनिधि: धनराज पवार
दिनांक १०/०४/२०२३ रोजी तहसिल कार्यालय समोर प्रहार संघटनेचे शहर अध्यक्ष नय्युमभाई सुभेदार यांचे अध्यक्षतेखाली उपोषण करण्यात आले होते त्यामाध्यमातून विविध प्रकाराच्या मागण्या ठेवण्यात आले होते व सदरील मागण्या पुढील ७ दिवसात पुर्ण करण्याचे आश्वासन संबधीत विभागाचे खाते प्रमुख यांनी दिले होते त्यानुसार.नगर परिषद व तालुक्यातील ग्रामपंचायत कार्यक्षेत्रातील दिव्यांगा बांधवाचा ५ टक्के निधी वितरीत करण्यात आलेला नव्हता परंतू सदरील उपोषणामुळे आज दिनांक १७/०४/२०२३ रोजी मुख्यधिकारी अजय साळवे यांचे हस्ते नगर परिषदेच्या दालनात रक्कम रुपये ५,५७०००/- रुपयाचे चेकचे दिव्यांगाना वितरण करण्यात आले.दिव्यागांच्या प्रश्न संदर्भात झालेले उपोषणास तालुकाध्यक्ष जयसिंग उगले यांचे विशेष मार्गदर्शन मिळाले.दिव्यागांच्या प्रश्नांना सोडवून व आपले कर्तव्य बजावत प्रयत्नशील अशा मुख्याधिकारी यांचे विशेष सहकार्य लाभावे असे प्रहार जनशक्ति पक्षाचे शहराध्यक्ष नय्युमभाई सुभेदार यांनी मत व्यक्त केले.
यावेळी नय्युभाई सुभेदार यांनी प्रहाराच्या वतीने मुख्याधिकारी यांचा सत्कार करून आभार व्यक्त केले व पुढील काळात असेच सहकार्य करण्याची मागणी केली.
याप्रसंगी तालुका संघटक भिमराव पाटील,दिव्यांग सेल चे तालुका उपाध्यक्ष संजय मोरे, प्रमोद कुलकर्णी,मच्छींद्र शेळके (टेलर), महिला तालुका प्रमुख विधाते मॅडम लिमकर टेलर, शहर उपाध्यक्ष दिनेश राळेभात, छाया औटी, सोहेल तांबोळी, सुनिल नाटके, सचिन उगले,किरण क्षिरसागर, भोसले सर, करण समुद्र आदी तसेच नगरपरिषदचे प्रमोद टेकाळे,नगर परिषद चे कर्मचारी व दिव्यांग बांधव उपस्थित होते.
मा.अजय साळवे
मुख्याधिकारी ,जामखेड नगर परिषद
जामखेड शहरातील दिव्यांग व्यक्ती यांना सदर राखीव अनुदानाचे वाटप करण्यात आलेले आहे. सदर निधी हा योग्य पद्धतीने आणि पात्र लाभार्थी यांचे पर्यन्त पोहोच व्हावा ही भूमिका प्रशासनाची असल्याने सर्व बाबिंची पूर्तता आणि खातरजमा केल्यानंतर आणि सर्व लाभार्थी याना अर्ज़ करन्यासाठी पर्याप्त वेळ देऊन सदर अनुदान वाटप करण्यात आले आहे. या अनुदानाचा सर्वानी विधायक आणि सर्वांगीण विकासाकरीता विनियोग करावा असे आवाहन करतो.
