महालोकवाणी न्यूज :
नगर – सावेडी उपनगरातील संदेशनगर येथील साई-संघर्ष सामाजिक प्रतिष्ठानचे अध्यक्ष योगेश पिंपळे यांना ‘महाराष्ट्र भूषण’ पुरस्कार देण्यात आला. या पुरस्कार वितरण प्रसंगी जिल्हा स्थानिक गुन्हे अन्वेषण शाखेचे पो.नि.अनिल कटके, नगर तालुका पोलिस स्टेशन सहाय्यक पो.नि.राजेंद्र सानप, तसेच विश्व हिंदू परिषदेचे प्रसिद्धीप्रमुख अमोल भांबरकर, जिल्हा सहमंत्री मुकूल गंधे, डॉ.शैलेश भणगे, प्राचार्या गुंफाताई कोकाटे, डॉ.विजय जाधव, मुख्याध्यापक किसन वाबळे, उपसरपंच अलका गायकवाड, शिवव्याख्याने अभय जावळे, शिवशाहिर विक्रम अवचित्ते, सौ.मंदाताई डोंगरे, पै.संदिप डोंगरे आदिंसह मान्यवर उपस्थित होते.
निमगाव वाघा येथे स्व.पै.किसनराव डोंगरे बहुउद्देशिय संस्था श्री नवनाथ युवा मंडळ, धर्मवीर ग्रामीण सार्वजनिक वाचनालय, नवनाथ विद्यालय यांच्या संयुक्त विद्यमाने सामाजिक, आध्यात्मिक, शैक्षणिक क्षेत्रात उल्लेखनिय काम करणार्यांना राज्यस्तरीय महाराष्ट्र भूषण पुरस्कार देण्यात येतो.
श्री.पिंपळे यांचे साई-संघर्ष सामाजिक प्रतिष्ठान, स्नेहालय संस्था, जनआरोग्य फौंडेशनच्या माध्यमातून सर्वसामान्य जनतेची कामे केल्याने त्याची दखल संस्थेचे अध्यक्ष नाना डोंगरे यांनी घेऊन पिंपळे यांना हा पुरस्कार देऊन गौरव करण्यात आला.
यावेळी मनोगत व्यक्त करताना श्री.पिंपळे म्हणाले, समाजसेवा म्हणून आपले कर्तव्य बजावतांना चांगले काम करणे हे ध्येय ठेवून काम सुरु ठेवले. डोंगरे बहुद्देशिय संस्थेने माझ्या कामाची दाखल घेऊन जो पुरस्कार दिला, त्यामुळे मला प्रोत्साहन मिळेल, असे सांगितले.
