महालोकवाणी न्यूज:
सोमराज बडे,पाथर्डी प्रतिनिधी:
ह.भ.प सतीश आजिनाथ बडे रा.जोगेवाडी ता. पाथर्डी, अहमदनगर यांनी टिळक महाराष्ट्र विद्यापीठाच्या संस्कृत विषयात शास्त्रीय परीक्षेमध्ये प्रथम क्रमांक मिळवत यश मिळवले आहे.सतीश बडे यांचे प्राथमिक शिक्षण जिल्हा परिषद प्राथमिक शाळा जोगेवाडी या ठिकाणी झाले आहे.तर श्री वामनभाऊ विद्यालय चिंचपूर पांगुळ या ठिकाणी इयत्ता पाचवी ते दहावी पर्यंत शिक्षण झाले. व उच्च माध्यमिक शिक्षण प्रतिनिधी हायस्कूल अँड जी.डी.बापू लाड कुंडल ता. पलूस जि.सांगली या ठिकाणी झाले आहे. शास्त्री ही पदवी अभ्यासक्रम पूर्ण करण्यासाठी तीन वर्ष इतका कालावधीत पूर्ण करावा लागतो.
सदर अभ्यासक्रम पूर्ण करण्यासाठी बडे यांना प्रो.संस्कृती, विभाग प्रमुख अंबरीशजी खरे यांचे मोलाचे मार्गदर्शन मिळाले. ह.भ.प.बडे यांचे आध्यात्मिक शिक्षण स्वानंदसुख निवासी सद्गुरु जोग महाराज वारकरी शिक्षण संस्था आळंदी देवाची,पुणे या ठिकाणी झाले आहे.
जोग महाराज वारकरी शिक्षण संस्थेमध्ये किर्तन व प्रवचन याचा चार वर्षाचा अभ्यासक्रम देखील बडे यांनी ‘अ’ श्रेणीसह पूर्ण केला आहे.
आध्यात्मिक शिक्षणा बरोबरच शाश्री ह्या पदवीचे शिक्षण टिळक महाराष्ट्र विद्यापीठामध्ये संस्कृत विभागातून त्यांनी शास्त्री पदवीमध्ये महाराष्ट्रात प्रथम क्रमांक प्राप्त केला आहे. त्यांनी मिळवलेल्या या यशाने सर्वच स्तरातून बडे यांच्यावर अभिनंदनाचा वर्षाव केला जात आहे.
