नाशिक : शहरात एक धक्कादायक आणि संतापजनक प्रकरण समोर आलं आहे. स्वयंघोषित ‘कॅप्टन’ आणि ज्योतिषी म्हणून ओळखला जाणारा अशोक खरात ashok kharat पुन्हा एकदा वादाच्या भोवऱ्यात सापडला आहे.
पूजा आणि उपायांच्या नावाखाली महिलांना जाळ्यात ओढणाऱ्या या भोंदूबाबाविरुद्ध आधीच लैंगिक अत्याचाराची तक्रार दाखल झाली होती. मात्र आता या प्रकरणाला आणखी गंभीर वळण मिळालं आहे.
नवीन तक्रारीनुसार, आरोपीने गर्भवती महिलेवरही लैंगिक अत्याचार केल्याचा आरोप करण्यात आला आहे. ही तक्रार नाशिकमधील सरकारवाडा पोलीस ठाण्यात दाखल झाली असून, पोलिसांनी या प्रकरणाची गंभीर दखल घेत तपास सुरू केला आहे.
या घटनेमुळे संपूर्ण नाशिकमध्ये खळबळ उडाली असून, नागरिकांमध्ये संतापाची लाट उसळली आहे. ‘आध्यात्म’ आणि ‘उपाय’ यांच्या नावाखाली सुरू असलेल्या अशा फसवणुकीबाबत पुन्हा एकदा प्रश्नचिन्ह निर्माण झाले आहे.
पोलिसांकडून आरोपीविरुद्ध कठोर कारवाईची मागणी जोर धरत असून, आणखी काही पीडित महिला पुढे येण्याची शक्यता व्यक्त केली जात आहे.
