Asia Cup 2023 : किंग कोहली आणि जिगरबाज के एल राहुल यांनी झळकावलेल्या चमकदार शतकांच्या जोरावर आणि केलेल्या नाबाद द्विशतकी भागीदारीच्या जोरावर साडेतीनशे धावांचा डोंगर उभा करणाऱ्या भारताने गोलंदाजी करतानाही पाकला शरण आणले.
टीम इंडियाकडून कुलदीप यादव याने 5 विकेट्स घेतल्या. तर शार्दुल ठाकुर, हार्दिक पंड्या आणि जसप्रीत बुमराह या तिघांनी 1-1 विकेट घेतली. त्याआधी विराट कोहली-केएल राहुल या जोडीने नाबाद शतकी खेळी केली. तर रोहित शर्मा-शुबमन गिल या जोडीनी वैयक्तिक अर्धशतक झळकावली. टीम इंडियाने या आधारावर 50 ओव्हर्समध्ये 2 विकेट्स गमावून 356 धावा केल्या. पाकिस्तानकडून शाहीन आफ्रिदी आणि शादाब खान या दोघांनी 1-1 विकेट घेतली.
📸📷: How about that for a win for #TeamIndia! 🙌 🙌#AsiaCup2023 | #INDvPAK pic.twitter.com/EgXF17y4z1
— BCCI (@BCCI) September 11, 2023
बाबर आझमला मोठा धक्का बसला
Asia Cup मध्ये भारताविरुद्धच्या दारूण पराभवानंतर पाकिस्तान कर्णधार बाबर आझमला मोठा धक्का बसला आहे. भारताविरुद्धच्या सामन्यात पाकिस्तानचे तीन खेळाडू जखमी झाले आहेत. उर्वरित सामन्यांमध्ये पाकिस्तानचे स्टार गोलंदाज हरिस रौफ आणि नसीम शाह खेळणार की नाही हे अद्याप निश्चित नाही. पाकिस्तानचा धडाकेबाज फलंदाज आगा सलमानही रूग्णालयात असून तोही स्पर्धेतून बाहेर जाऊ शकतो.
Asia Champion | मल्ल सुजय तनपुरेनी भारताला मिळून दिले; आशिया चॅम्पियन कुस्ती स्पर्धेत सुवर्णपदक.!
काय म्हणाला बाबर आझम?
“पावसाचं काय आमच्या हातात नव्हतं. फलंदाजी आणि गोलंदाजी या दोन्ही क्षेत्रात आम्ही अपयशी ठरलो. आमच्या गोलंदाजांनी सुरुवातीला चांगल्या योजना आखल्या. तसंच झालं पण विराट आणि राहुलने त्यांना तोडीस तोड उत्तर दिलं. तसेच जसप्रीत बुमराह आणि मोहम्मद सिराज यांनी पहिली दहा षटकं चांगली टाकली. आमची फलंदाजी तितकी चांगली झाली नाही.”, असं पाकिस्तानी कर्णधार बाबर आझम याने सांगितलं.
पाकिस्तानचे (Asia Cup ) मोठे नुकसान झाले
पाकिस्तानविरुद्धच्या विजयानंतर टीम इंडियाला 2 गुण मिळाले. श्रीलंका आणि पाकिस्तानचेही प्रत्येकी दोन गुण आहेत. तथापि, रोहित ब्रिगेडचा नेट रन रेट (+4.594) श्रीलंका-पाकिस्तानपेक्षा खूपच चांगला आहे, ज्यामुळे संघ सुपर-4 गुणांच्या टेबलमध्ये अव्वल स्थानावर आहे.
पाकिस्तान पहिल्या स्थानावरून तिसऱ्या स्थानावर घसरला आहे. पाकिस्तानचा नेट रन रेट (-1.892)आहे. श्रीलंकेचा निव्वळ धावगती +0.420 आहे आणि ते दुसऱ्या स्थानावर आहेत. सलग दोन पराभवांमुळे बांगलादेश (0.749) तळाच्या चौथ्या स्थानावर आहे. बांगलादेश स्पर्धेतून बाहेर आहे.
