आमदार प्राध्यापक राम शिंदेची उमेदवारी जाहीर
Ram Shinde| भाजपचा शिलेदार पुन्हा मैदानात
जामखेड प्रतिनिधी
राज्याचे लक्ष असणाऱ्या कर्जत/ जामखेड विधानसभा निवडणुकीसाठी महायुतीकडून आमदार प्रा. राम शिंदे व महाविकास आघाडीकडून आमदार रोहित पवार यांची समोरासमोर लढत होईल असे चित्र निर्माण झाले आहे
महाराष्ट्रातील सर्वात मोठा पक्ष असलेल्या भारतीय जनता पार्टीने विधानसभा निवडणुकीसाठी ६६ उमेदवारांची पहिली यादी जाहीर केली असून त्यानुसार कर्जत /जामखेड विधानसभा मतदारसंघासाठी आमदार प्रा. राम शिंदे यांचे नाव निश्चित करण्यात आले आहे. याबरोबरच अहिल्यानगर जिल्ह्यातील शिर्डी राधाकृष्ण विखे पाटील, शेवगाव / पाथर्डी मोनिका राजळे, राहुरी शिवाजी कर्डिले व श्रीगोंदे प्रतिभा पाचपुते यांची नावे जाहीर करण्यात आली आहे.
Table of Contents
कर्जत/ जामखेड मतदारसंघात आमदार राम शिंदे व आमदार रोहित पवार यांनी वेगवेगळ्या यात्रा व जनसंपर्क,अधिकारी तसेच विविध सांस्कृतिक कार्यक्रमांच्या माध्यमातून प्रचार फेऱ्या पूर्ण केल्या असून मतदारसंघात राजकीय वातावरण चांगलेच तापले आहे.
आता तर महायुतीकडून आमदार राम शिंदे व महाआघाडीकडून रोहित पवार यांच्या उमेदवारा जाहीर झाल्याने भेटीगाठी व संवाद दौरे याव्दारे प्रचाराला आणखी वेग येऊ शकतो. दरम्यान युती आघाडीबरोबरच मनोज जरांगे पाटील, प्रहार जनशक्ती पक्ष, राष्ट्रीय समाज पक्ष, वंचित बहुजन आघाडी यांचीही विधानसभेसाठी उमेदवार देण्याची तयारी चालू असल्याचे दिसत असून त्यांच्याही बैठका सुरू आहेत.
