बबनराव धायतोंडे
जिल्हा प्रतिनिधी पुणे
दौंड : खानवटे गावच्या शिरपेचात मानाचा तुरा. जिद्द आणि चिकाटी या बळावरती आपण काहीही करू शकतो, महाराष्ट्र राज्यात घेण्यात आलेल्या वैद्यकीय (Neet) परीक्षेत कु. शिवानी उमाकांत कोरे हिने 720 पैकी 578 गुण प्राप्त करून खानवटे ता. दौंड Daund जि. पुणे येथील प्रथम MBBS या क्षेत्रातील पदवी घेणारी ती विद्यार्थिनी ठरली.
अतिशय हालाखीच्या परिस्थितीमधून तिने हे यश प्राप्त केले आहे. लहान असतानाच वडिलांचे छत्र हरपलेले परंतु परिस्थितीशी झुंज देत आज तिने हे यश संपादन केले. पहिली ते चौथी शिक्षण जिल्हा परिषद प्राथमिक शाळा खानवटे ता. दौंड Daund येथे झाले. आता तिला MBBS करायचे आहे.
तर पाचवी ते दहावी माध्यमिक शिक्षण कै.बी.व्ही. राजेभोसले माध्यमिक विद्यालय खानवटे येथे पूर्ण केले. ग्रामीण भागात शिक्षण घेऊनही अशा विद्यार्थिनी उत्तुंग भरारी घेऊ शकतात याचे एक तिने मूर्तिमंत उदाहरण दिलेल आहे. तिच्या या गुणसंपदानाचे संपूर्ण नातेवाईक व खानवटे ग्रामस्थांकडून तिचे कौतुक केले जात आहे.
पुढील शिक्षण ही ती MBBS डॉक्टर ही पदवी करणार आहे.असे तिने सांगितले. खानवटे ता दौंड Daund गावाच्या वतीने शिवानीचा भव्य सत्कार करण्यात येणार असल्याचे विशाल भोसले, शरद ढवळे, राहुल पोटफोडे, विलास जाधव यांनी सांगितले.
