महालोकवाणी न्यूज:
पाथर्डी प्रतिनिधी: सोमराज बडे
महाराष्ट्राचे माजी मंत्री (सामाजिक न्याय विभाग) व माजी विरोधी पक्षनेते धनंजय मुंडे Dhanajy Munde यांनी आज (ता.१२)रोजी सकाळी ११.३०.वाजता श्री क्षेत्र गहिनाथ गड चिंचोली ता.आष्टी जि. बीड येथे सद्गुरू गहिनाथ महाराज तथा गुरुवर्य संत वै.वामनभाऊ महाराज यांच्या समाधीचे दर्शन घेतले. दरम्यान मुंढे यांचा काही दिवसांपूर्वी गाडीचा अपघात (Accident )झाला होता.
त्यात ते जखमी झाले होते.
डॉक्टरांनी त्यांना उपचारानंतर सक्तीची विश्राती घेण्यास सांगितले होते. रुग्णालयातून सुट्टी मिळाल्यानंतर कामकाज सुरु करण्याआधी आपण संत वामनभाऊ तसेच गहिनीनाथ महाराज यांच्या समाधी स्थळचे दर्शन घेऊन तसेच महंत हभप.विठ्ठल महाराज यांचे आशीर्वाद घेऊन सामाजिक कामास सुरुवात करणार होतो.
त्यामुळे आज गडावर आलो आहे.असे, धनंजय मुंडे यांनी बोलतांना आपली भावना व्यक्त केली.
याप्रसंगी शिवाजीराव नाकाडे (पहाडीराजा) व कार्यकर्त्यानी बॅण्ड-बाजा वाजवत तसेच फटाके फोडून,जेसीबी मधून धनंजय मुंडेे यांच्यावर फुलांची उधळण करत क्रेनच्या साह्याने भव्य असा फुलांचा हार घालून स्वागत केले.
धनंजय मुंडे हे मुबंई वरून हे हेलिकॉपटरने गडावर आल्यानंतर वै. वामनभाऊ यांच्या समाधीवर अभिषेक करत विधिवत पूजा करून दर्शन घेतले.
त्यानंतर आलेल्या कार्यकर्त्यांशी संवाद साधत सत्कार स्वीकारून त्यानंतर ते परळीकडे रवाना झाले.
यावेळी आष्टी चे आमदार बाळासाहेब आजबे,मा.जिल्हा परिषद सदस्य शिवाजीराव नाकाडे,पाथर्डी बाजार समिती मा.सभापती गहिनीनाथ शिरसाठ,रामकृष्ण बांगर, सतिष आबा शिंदे,क्रिकेट खेळाडू ऋषिकेश सोनवणे,कृष्णा मिसाळ, हनुमंत बडे,नितीन बारगजे,उद्धव केदार,पप्पू साळवे,दादासाहेब राजगुरू,दत्ता नागरगोजे, आदींसह मोठया संख्येने कार्यकर्ते उपस्थित होते.
