Cricket academy होतकरू खेळाडूंना प्रोत्साहन देण्यासाठी रायझिंग स्टार्स क्रिकेट ॲकॅडमी – प्राध्यापक मधुकर राळेभात
जामखेड । धनराज पवार
जामखेड येथील रायझिंग स्टार्स क्रिकेट ॲकॅडमी अमीर काझी व लखन भुतकर यांनी जामखेड तालुक्यातील गरजू व होतकरू खेळाडूंसाठी दि.१२ नोव्हेंबर रोजी सदाफुले वस्ति (खंडोबा मंदिर) परिसरात रायझिंग स्टार्स क्रिकेट ॲकॅडमी उभी केली आहे.या अकादमीत गरजू खेळाडूंना प्रशिक्षण देण्यात येणार आहे.
प्राध्यापक मधुकर राळेभात व मान्यवरांच्या हस्ते ॲकॅडमी चे उद्घाटन करण्यात आले.या प्रसंगी प्रमुख अतिथी मंगेश आजबे,अजहर काझी, नगरसेवक शाकीर खान,अर्शद शेख,नरेंद्र जाधव,डॉ. कैलास हजारे, युवा नेते प्रवीण उगले, ॲड. प्रमोद राऊत, वसिम कुरेशी, सामाजिक कार्यकर्ते विकी सदाफुले, सरपंच पै. बापूसाहेब कार्ले, पप्पु कात्रजकर, उपसरपंच नागेश कात्रजकर,पत्रकार संजय वारभोग, धनराज पवार,
किशोर कांबळे,बापूसाहेब मडके,सागर होगाडे आदी मान्यवर व क्रिकेट प्रेमी मोठ्या संख्येने उपस्थित होते.
यावेळी प्राध्यापक मधुकर राळेभात म्हणाले की,युवा पिढीचा क्रिकेट खेळाकडे कल वाढत आहे. अ. नगर जिल्ह्यात व तालुक्यात गुणवान क्रिकेटपटूंची मोठी संख्या आहे.यामध्ये श्रीरामपूर येथील जहीर खान, अजिंक्य रहाणे यांचे उदाहरण देत, बालपणातले क्रिकेट प्रेम वर प्रकाश टाकत म्हणाले ग्रामीण भागातील खेळाडूंना योग्य संधी व सुविधा उपलब्ध होत नाहीत.
अनेक खेळाडू आर्थिक कारणांनी मागे पडतात. त्यांना योग्य प्रशिक्षण व सुविधा उपलब्ध व्हाव्यात या हेतूने रायझिंग स्टार्स क्रिकेट ॲकॅडमी सुरू करण्यात आली आहे. यावेळी मंगेश आजबे, डॉ.कैलास हजारे,ॲड.प्रमोद राऊत, शाकीर पठाण,सागर होगाडे यांची भाषणे झाली.
कार्यक्रमाचे सूत्रसंचालन कपिल राऊत तर आभार अमीर काझी यांनी मानले.
