जामखेड प्रतिनिधि : धनराज पवार
जामखेड jamkhed शहरातील लोकमान्य हॉस्पिटलच्या वतीने प्रथम वर्धापनदिना निमित्त भव्य मोफत आरोग्य शिबीराचे आयोजन करण्यात आले होते. मंगळावर दि. २५ एप्रिल २०२३ आज रोजी सकाळी १०.०० वा. प्रसिद्ध उद्योगपती रमेश शेठ गुगळे यांच्या शुभहस्ते शिबीराचे उद्घाटन करण्यात आले.याप्रसंगी हॉस्पिटल चे संचालक डॉ. भुपेंद्र पन्हाळे, डॉ. रोहन टोमके, डॉ. सचिन काकडे, डॉ. महादेव पवार, डॉ. बाबासाहेब कुमटकर, डॉ. जतीन बोस काजळे, डॉ. पांडूरंग सानप, डॉ. संजय राऊत, डॉ. सुनिल वराट, डॉ. अशोक बांगर, डॉ.नानासाहेब बोलभट, डॉ. गफ्कार शेख, प्रकाश डोके, सचिन जाधव आदी तसेच नागरिक मोठ्या संख्येने उपस्थित होते.
यावेळी बोलताना उद्योगपती रमेश गुगळे म्हणाले की, लोकमान्य हॉस्पिटल च्या प्रथम वर्धापनदिना निमित्त सामाजिक बांधिलकी जपत तसेच रुग्णसेवा हीच ईश्वर सेवा या ब्रिद वाक्याप्रमाणे 50% सवलतीच्या दरात ऑपरेशन व औषधे हे गरजू रुग्णांसाठी शिबीर लाभदायक तसेच सर्व सोययुक्त व तज्ञ डॉक्टर रुगणांची काळजी घेत उपचार करतात .
या शिबीरामध्ये आस्थिरोग,बी. पी., शुगर, हृदयरोग व पोटाचे विकार आणि मुळव्याध उपचार करण्यात आले विशेष म्हणजे या शिबीरात 50% सवलतीच्या दरात ऑपरेशन करण्यात आले तसेच 50% सवलत औषधांवर देण्यात आले.150 रुग्णांनी या शिबीराचा लाभ घेतला.तसेच 5 रुग्णांचे ऑपरेशन झाले असून उपचार घेत आहेत.
शिबीराच्या यशस्वीतेसाठी लोकमान्य हॉस्पिटल सर्व स्टाफ, पॅथॉलॉजी लॅब , मेडिकल स्टाफ यांनी परिश्रम घेतले.
