जामखेड शहरात संध्या सोनवणे यांचा प्रेरणादायी सोहळा
जामखेड प्रतिनिधी (धनराज पवार)-
१७ एप्रिलला जामखेडचा Jamkhed इतिहास घडणार आहे. कारण एकाच मंचावर छत्रपती शिवाजी महाराज, महात्मा फुले आणि भारतरत्न डॉ. बाबासाहेब आंबेडकर यांच्या संयुक्त जयंती महोत्सवाचं आयोजन करण्यात आलं आहे. विशेष म्हणजे, या ऐतिहासिक सोहळ्यास राज्याचे उपमुख्यमंत्री अजित पवार, विधान परिषदेचे सभापती प्रा. राम शिंदे, आणि जलसंपदा मंत्री व जिल्ह्याचे पालकमंत्री राधाकृष्ण विखे पाटील यांची प्रमुख उपस्थिती लाभणार आहे.
या भव्य उपक्रमाची संकल्पना राष्ट्रवादी काँग्रेसच्या युवती प्रदेशाध्यक्ष संध्या सोनवणे यांनी मांडली असून, गेल्या काही वर्षांपासून हा महोत्सव सामाजिक समतेचा व सांस्कृतिक ऐक्याचा प्रतीक म्हणून राज्यभर गाजतो आहे.
Jamkhed| जामखेडमध्ये शिव, फुले, आंबेडकरांच्या संयुक्त जयंतीनिमित्त
या वर्षीचा महोत्सव जामखेड महाविद्यालयाच्या प्रांगणात, १७ एप्रिल रोजी सायंकाळी सहा वाजता पार पडणार आहे. महोत्सवात सांस्कृतिक कार्यक्रमांची मेजवानी असणार असून, प्रसिद्ध गायक आनंद शिंदे यांचा ‘शिंदे शाही बाणा’ आणि अभिजीत व अमू जाधव यांचा ‘शिवशंभो गर्जना’ प्रेक्षकांच्या विशेष आकर्षणाचे केंद्रबिंदू ठरणार आहेत.
या कार्यक्रमाच्या उद्घाटनासाठी राष्ट्रवादी काँग्रेसचे प्रदेशाध्यक्ष सुनील तटकरे, आमदार शिवाजीराव गर्जे आणि अन्य मान्यवरही हजेरी लावणार आहेत.
Table of Contents
“ही केवळ जयंती नसून, ती एका विचारांची, परिवर्तनाची चळवळ आहे. शिव, फुले, आंबेडकरांचे विचार नव्या पिढीपर्यंत पोहोचवणे हाच खरा उद्देश आहे,” असं संध्या सोनवणे यांनी पत्रकार परिषदेत सांगितलं.
यावेळी राष्ट्रवादी काँग्रेस पार्टीचे जामखेड तालुका अध्यक्ष महेश निमोणकर हे उपस्थित होते.
जामखेड शहर सध्या उत्साहाच्या भरात आहे. सर्व तयारी पूर्ण झाली असून, नागरिकांनी मोठ्या संख्येने उपस्थित राहून या ऐतिहासिक क्षणाचे साक्षीदार व्हावे, असे आवाहन आयोजकांकडून करण्यात आले आहे.
