राज्यातील अनेक धरणांमध्ये आणि तलावांमध्ये पाणीसाठा आता काही दिवसांचाच उरला आहे. अशातच मान्सूनचा Mansoon प्रवास संथगतीने होत असल्याने चिंता वाढली आहे. पण आता हवामान विभागाने दिलासा देणारी अपडेट दिली आहे.
मुंबईमध्ये अखेर पावसाच्या शिडकाव्याने दिलासा मिळालेल्या असला तरी शहरात अजूनही मान्सून Mansoon दाखल झालेला नाही. Biporjoy बिपरजॉय चक्रीवादळामुळे मान्सूनचा प्रवास संथगतीने होत असून, १८ ते २१ जूनदरम्यान त्याला पुढे सरकण्यासाठी अनुकूल परिस्थिती निर्माण होईल, अशी शक्यता भारतीय हवामान विभागाने वर्तवली आहे. चक्रीवादळ अरबी समुद्रात अत्यंत हळूवारपणे पुढे सरकत असल्याने नैऋत्य मौसमी वाऱ्यांना चालना मिळत नसल्याचे दिसत आहे.
Mansoon मान्सून राज्यात ११ जूनला दाखल झाल्यानंतर त्याच्या प्रवासात अद्याप फार प्रगती झालेली नाही. रविवारपर्यंत फारसा पाऊस नसल्याचा अंदाज प्रादेशिक हवामान विभागाने वर्तवला होता. Biporjoy बिपरजॉय चक्रीवादळाने आर्द्रता खेचून घेतल्याने सध्या राज्यात फारसा पाऊस नाही. त्यामुळे मान्सूनच्या Mansoon पुढच्या प्रवासासाठी १८ जूनपर्यंत वाट पाहावी लागेल, असे हवामान विभागातर्फे स्पष्ट करण्यात आले आहे.
Biporjoy बिपरजॉय चक्रीवादळामुळे मान्सूनच्या Mansoon प्रवासात निर्माण झालेले अडथळे दूर झाल्याचे भारतीय हवामान विभागाने मंगळवारी जाहीर केले होते. मात्र हा मान्सून कमकुवत असल्याचे दिसत आहे. सिंधुदुर्ग जिल्ह्याच्या सीमेवर गेले तीन दिवस तो खिळलेला असल्याचे हवामान विभागाचे निवृत्त अधिकारी माणिकराव खुळे यांनी सांगितले. एल निनोची स्थिती १५ जुलैनंतर विकसित होणार होती. मात्र ती आत्ताच निर्माण झाल्याचेही समोर आले आहे. त्यामुळे पुढील पावसावरही परिणाम होईल, अशी चिंता व्यक्त केली जात आहे. मात्र इंडियन ओशन डायपोल (आयओडी) हा घटक धन अवस्थेकडे झुकत असून, तो पावसासाठी सकारात्मक आहे, असे खुळे यांनी स्पष्ट केले. शेतकऱ्यांनी पावसाच्या या स्थितीवर अवलंबून शेतीची कामे करावीत यासाठी हवामान विभागाकडून आवाहन करण्यात येत आहे.
उत्तर कोकणात शुक्रवारपर्यंत हजेरी
सध्या मुंबईमध्ये पडणारा पाऊस हा मान्सूनपूर्व Mansoon पावसाचे संकेत आहेत. उत्तर कोकण म्हणजे मुंबई, ठाणे, पालघर या जिल्ह्यांमध्ये शुक्रवारपर्यंत सर्वदूर पाऊस हजेरी लावेल अशी शक्यता आहे. त्यानंतर शनिवार, रविवारी तो थोडा कमी होईल. दक्षिण कोकणात गुरुवारी अनेक ठिकाणी पावसाची उपस्थिती अपेक्षित आहे. मात्र त्यानंतर पुन्हा रविवारपर्यंत पाऊस कमी असल्याचे प्रादेशिक हवामान विभागाने म्हटले आहे.
