Rohit Pawar| रोहित पवारांवर पदाधिकारी नाराज
जामखेड प्रतिनिधी
आमदार रोहित पवार Rohit Pawar म्हणतात, कर्जत/ जामखेड चा विकास केला पंरतु कर्जत / जामखेड मतदारसंघात आजही अनेक समस्या आहेत. फक्त प्रशासकीय इमारती झाल्या म्हणजे विकास नव्हे. दवाखाने बांधले पण डॉक्टर नाहीत. पंचायत समिती इमारत झाली पण मोठ्या प्रमाणावर भ्रष्टाचार सुरू आहे.कर्जत/ जामखेड मतदारसंघात अनेक अडीअडचणी चा सामना सामान्य जनतेला करावा लागत आहे. असे प्रा. मधुकर राळेभात हे पत्रकार परिषदेत बोलत होते.
आज रोजी जामखेड शहरात राष्ट्रवादी काँग्रेस शरदचंद्र पवार पक्षाचे ज्येष्ठ नेते प्राध्यापक मधुकर राळेभात यांची पत्रकार परिषद आयोजित करण्यात आली होती.आमदार रोहित पवार यांच्या एकाधिक शाहीला कंटाळून प्रा. मधुकर राळेभात यांनी राष्ट्रवादी काँग्रेस पक्षाला रामराम ठोकला व पुढील भूमिका कार्यकर्त्यांना विचारून लवकरच ठरवू असे सांगितले.
Table of Contents
यावेळी नगरसेवक मोहन पवार, अमित जाधव, खर्डा राष्ट्रवादी काँग्रेस शरदचंद्र पवार पक्षाचे शहराध्यक्ष महालिंग कोरे, युवा नेते राजेंद्र वारे, महेश आजबे ॲड अमृत राळेभात,विनोद डिसले आदी उपस्थित होते.
पुढे बोलताना राळेभात म्हणाले की, आमदार रोहित पवार Rohit Pawar यांनी पक्षातील कार्यकर्त्यांना कसलीच किंमत देत नाहीत. यामुळे पक्षातील
कार्यकर्त्यांबरोबर मित्र पक्ष शिवसेना व काँग्रेस पक्षाला किंमत देत नाही.यामुळे सर्व नाराज आहेत.मागील विधानसभा निवडणुकीत शरदचंद्र पवार साहेब यांच्या प्रेरणेने आम्ही सहभागी झालो व स्थानिक कॅबिनेट मंत्र्याला पराभूत करून रोहित पवार यांना आमदार म्हणून निवडून आणले.
