महालोकवाणी न्यूज:-
ट्रान्स मॅन साहद आणि ट्रान्स वुमन झिया पावल हे तृतीयपंथीय कपल लवकरच आईबाबा होणार आहेत.
केरळमध्ये वास्तव्यास असलेले साहद व झिया गेल्या तीन वर्षांपासून एकत्र राहत आहेत.
तृतीयपंथीय मूल जन्माला घालणार असल्याचं हे भारतातील पहिलंच प्रकरण आहे.
सोशल मीडिया पोस्टद्वारे झियाने ही माहिती दिली आहे.
साहद व झिया यांनी मॅटर्निटी फोटोशूट केलं आहे. तृतीयपंथी कपलने मॅटर्निटी फोटोशूटसाठी हटके पोझही दिल्या आहेत.
साहद व झियाच्या या मॅटर्निटी फोटोशूटची चर्चा रंगली आहे.
२३ वर्षीय साहद व २१ वर्षीय झियाने लिंग परिवर्तनासाठी हार्मोन थेरेपी केली आहे.साहदने स्तन काढल्यामुळं आम्ही बाळाला रुग्णालयातील ब्रेस्ट मिल्क बँकेतून दुधाची उपलब्धता करुन देऊ, असंही झियाने पोस्टच्या माध्यमातून सांगितलं.कोझीकोडे येथील सरकारी वैद्यकीय महाविद्यालयातील डॉक्टरांनी यासाठी आम्हाला मदत केल्याचंही झियाने म्हटलं आहे.मार्च महिन्यात साहद बाळाला जन्म देणार असून त्यानंतर तो त्यांची ट्रान्स मॅनची हार्मोन थेरेपी पुन्हा सुरू करणार आहे. (सर्व फोटो: झिया/ इन्स्टाग्राम)
हे पण वाचा:- Gautami Patil | गौतमी पाटीलच्या कार्यक्रमात महिला आल्या दांडके घेऊन, जाणून घ्या कारण..
