जामखेड — प्रतिनिधी
जामखेड नगरपरिषद निवडणुकांची धामधूम सुरु होताच बळवडरच्या वार्ड क्र.५ मध्ये जनमताचा झंझावात उठलेला दिसतोय. गेल्या अनेक निवडणुकांत बाहेरून येणाऱ्या नेत्यांनी “भेट देऊन जाण्याची” पद्धत पाहिल्यावर यंदा मतदारांनी ठामपणे आवाज उठवला आहे —
“आमच्या वार्डचा नेता आमच्यातला, 24 तास उपलब्ध असलेलाच हवा!” वार्डातील नागरिकांचा हा सूर एकाच व्यक्तीकडे झुकलेला दिसतो — सौ. लक्ष्मी ताई पवार. शांत, संयमी आणि सतत लोकांमध्ये राहून काम करणाऱ्या पवार ताईंना यंदा अभूतपूर्व प्रतिसाद मिळतोय.
स्थानिक रहिवाशांनुसार,
“वार्डात दिवसरात्र राहून समस्या समजून घेणारा नेता हवाय. निवडणुकीआधी चेहरा दाखवणाऱ्यांचा आम्ही आता कंटाळा केलाय. आमचं मत निश्चित — लक्ष्मी ताई पवार!”
गेल्या काही वर्षांपासून त्यांनी सामाजिक संस्थांमधून केलेली कामगिरी वार्डातील प्रत्येक कुटुंबाच्या नजरेत बसलेली आहे .
महिलांच्या अडचणींवर सातत्याने केलेला लढा
विद्यार्थ्यांना मिळवून दिलेली शैक्षणिक मदत
सरकारी योजनांचे प्रत्यक्ष लाभ लोकांपर्यंत पोहोचवण्याचा प्रयत्न
पाणी, गटर, रस्ता, स्वच्छता यांसारख्या मूलभूत सुविधा मिळवण्यासाठी सातत्यपूर्ण पाठपुरावा
कोणत्याही वेळी फोन उचलून तत्काळ मदत करणारे नेतृत्व
या सर्वामुळे त्यांचं नाव वार्डात विश्वासाचं प्रतीक बनलं आहे.
राजकीय वर्तुळातही या घडामोडींना मोठी चर्चा रंगत आहे. पवार ताईंनी उमेदवारी दाखल केली तर वार्ड क्र.५ मधील संपूर्ण निवडणूक गणितच बदलण्याची चिन्हं स्पष्ट दिसत आहेत. स्थानिक स्तरावर नागरिकांची भावना, अपेक्षा आणि विश्वास या तिन्ही गोष्टी एका ठिकाणी येऊन भिडताना दिसत आहेत .
आमचा वार्ड, आमचं नेतृत्व… आणि नाव एकच — लक्ष्मी ताई पवार
