जामखेड। धनराज पवार
जामखेड शहरात शिवसेना वैद्यकीय मदत कक्ष कार्यान्वित, युवासेना तालुका प्रमुख सुमित वराट तसेच जामखेड शिवसेना वैद्यकीय मदत कक्षाचे नागेश झाडबुके,योगेश यादव यांची कामगिरी कौतुकास्पद असे उद् गार मुख्यमंत्री सहायता मदत कक्षाचे कक्षप्रमुख तसेच मुख्यमंत्र्याचे विश्वासू मंगेश चिवटे यांनी काढले.काल जामखेड तालुक्यातील जवळा या गावी दौऱ्या प्रसंगी आले होते. यावेळी त्यांचा सत्कार करण्यात आला.
‘गोरगरीबांचे मुख्यमंत्री’ मुख्यमंत्री नामदार एकनाथजी शिंदे यांच्या नेतृत्वाखाली शिवसेना वैद्यकीय मदत कक्ष राज्यासाठी वरदान ठरत आहे. गोरगरीबांची सेवा करणारे मुख्यमंत्री एकनाथजी शिंदे महाराष्ट्राचे आरोग्यदूत आहेत, असे गौरवोद्वार जामखेड युवसेना तालुकाप्रमुख सुमित वराट यांनी काढले.
या मदत कक्षा मार्फत फुफ्फुसाची शस्त्रक्रिया, गुडघे बदल, खुबा बदल शस्त्रक्रिया यांचा समावेश आहे. तसेच अपघातामधील रुग्णांनाही या योजनेतून आर्थिक मदत दिली जाणार आहे.
जन्मतः कर्णबधिर मुलांच्या कॉक्लिअर इंप्लांट शस्त्रक्रियेसाठी तीन लाख रुपये या योजनेतून मदत देण्याचा निर्णय घेतला आहे. आर्थिक मदत देण्यासाठी पाच प्रकारचे निकष निश्चित करण्यात आले आहेत. यात ह्रदय शस्त्रक्रिया, फुफ्फुस प्रत्यारोपण, बोनमॅरो व ह्रदय प्रत्यारोपण शस्त्रक्रियेसाठी दोन लाख रुपयांपर्यंत मदत दिली जाणार आहे. गुडघा वा खुबा बदल शस्त्रक्रिया, मेंदू रोग, कर्करोग, लहान बालकांचे आजार, अपघातातील शस्त्रक्रिया आदीसाठी एक लाख रुपयांपर्यंत मदत केली जाईल तर डायलिसिस, केमोथेरपी, जळीत रुग्ण, अस्थिबंधन आदींसाठी ५० हजार रुपये मदत मिळेल. या शिवायच्या अन्य आजारांसाठी आवश्यकतेप्रमाणे २५ हजार रुपये मदत दिली जाणार आहे.
