जामखेड प्रतिनिधी धनराज पवार
जामखेड – श्रीराम जन्मोत्सव निमित्ताने जामखेड शहरात विविध मर्दानी खेळ बरोबरच अयोध्या येथील नियोजित श्रीराम मंदिरात पुजलेल्या राम सिता व हनुमानच्या मुर्ती तसेच श्रीरामाचा भव्य पुतळा पालखीत घालून मिरवणूक काढण्यात आली. पाच तास चाललेली मिरवणूक शांततेत पार पडली. सकल हिंदू समाजाच्या वतीने या कार्यक्रमाचे आयोजन करण्यात आले होते.
सकल हिंदू समाजाच्या वतीने श्रीराम जयंती निमित्ताने शुक्रवारी सायंकाळी सहाच्या सुमारास कृषी उत्पन्न बाजार समितीच्या सिध्दीविनायक मंदीरापासुन मिरवणूकीची सुरवात हनुमान चालीसाचे सार्वजनिक पठण करून सुरवात झाली. मिरवणूकीत मध्यप्रदेश मधून आलेली पथके सहभागी झाले होते. मुली व महिलांनी दांडपट्टा प्रात्यक्षिक करून प्रेक्षकांचे मने जिंकली. लाकडी खांब व दोरीवरचे मल्लखांब प्रात्यक्षिक, ढाल तलवार,अश्वदल,घोड्यांवर मावळ्यां च्या वेशात लहान मुले,मुली तसेच वारकरी, टाळपथक,हलगी पथक, प्रात्यक्षिक, अघोरी बाबाची वेशभूषा केलेले पात्र, श्रीरामाची प्रतिकृती असलेली पालखी व अयोध्यातून आणलेल्या मुर्ती तसेच डिजेच्या तालावर थिरकलेली तरूणाई यामुळे मिरवणुक डोळ्यांचे पारणे फेडणारी ठरली.
श्रीरामनावमी निमित्ताने जामखेड शहरात ठिकठिकाणी भगवे झेंडे लावण्यात आले होते. मिरवणूक चालू असताना रस्त्याच्या दुतर्फा नागरिकांनी मोठी गर्दी केली होती. बाजार सलग पाच तास चाललेली मिरवणूक बाजार समिती, बीड रोड, छत्रपती शिवाजी महाराज पेठ मार्गे संविधान चौकातील लक्ष्मी मंदिर येथे मिरवणूकीचे विसर्जन करण्यात आले.
या मिरवणुकीसाठी आमदार प्रा.राम शिंदे,सैराट फेमअभिनेते सुरेश विश्वकर्मा,माजी सभापती डॉ.भगवान मुरुमकर,उद्योगपती दिलीप गुगळे,आंनद गुगळे, संतोषशेठ फिरोदिया,प्रविण चोरडिया, मनोज कुलकर्णी, डाँ.प्रकाश खैरनार,ज्ञानेश्वर अंदूरे,पोपट राळेभात,सोमनाथ पाचरणे,भाजपा शहराध्यक्ष बिभिषण धनवडे, भाजपा युवा मोर्चा तालुका अध्यक्ष शरद कार्ले, उपाध्यक्ष मोहन मामा गडदे,संजय राऊत सर,बापुराव ढवळे ,महेश नगरे, राजेश मोरे,गोरख घनवट,मोहन देवकाते,सचिन मासाळ, उध्दव हुलगुंडे आदी व्यापारी व भाविक भक्त मोठ्या संख्येने उपस्थित होते.
श्रीरामनावमी जयंती कार्यक्रम यशस्वी करण्यासाठी डॉ. एकनाथ मुंडे, विवेक कुलकर्णी, अजय काशीद, अमित चिंतामणी, बबलू टेकाळे,डिगांबर राळेभात, साहील भंडारी, दिपक ददियाल, कृष्णा बुरांडे, सुरज निमोणकर ,ऋषिकेश मोरे,आदींनी परिश्रम घेतले.
