महालोकवाणी न्यूज:
जामखेड प्रतिनिधि: धनराज पवार
जामखेड नगरपरिषदेकडून, शहरातील विकास कामांना व सोयी सुविधाच्या निधीसाठी, जामखेड नगरपरिषदेच्या वसुली पथकाकडून आगळ्या वेगळया स्वरूपात जाहीर आवाहन करण्यात आले.जामखेड नगर परिषदेने रिक्षा द्वारे, थकबाकी व चालू कर वसुलीसाठी शहरातून जनजागृती अभियान चालू यामध्ये छत्रपती शिवाजी महाराज पेठ, जुना कोर्ट रोड, बीड रोड,मिलींद नगर, तपनेश्वर रोड, या मार्गाने करण्यात आले.
महालोकवाणी न्युजशी बोलताना मुख्याधिकारी अजय साळवे म्हणाले की, जामखेड नगरपरिषदेची अर्थिक परिस्थिती चिंताजनक आहे. मागील अर्थिक वर्षात वसुली फक्त 8 टक्के होती. आता जानेवारी 23 अखेर ती 16 टक्के आहे. मालमत्ता थकबाकी 4 कोटी 90 लाख 67 हजार व चालू । कोटी 68 लाख आहे. एकूण थकबाकी 6 कोटी 59 लाख 59 हजार आहे. वसुली रक्कम फक्त 48 लाख आहे तर चालू वसुली प्रमाण 26 लाख 7 हजार आहे. मागील वसुलीची टक्केवारी 9 टक्के आहे.
याप्रसंगी वसुलीसाठी मुख्याधिकारी अजय साळवे यांच्या सह कर निरीक्षक राहुल पिसाळ, रामराव नवागिरे, नंदकुमार साबळे ,विद्युत अभियंता आकाश सानप, लेखापाल सुग्रीव फुंदे,आरोग्य विभाग चे प्रमोद टेकाळे, रज्जाक शेख, विजय पवार,बंकट खैरे तसेच सर्व अधिकारी व कर्मचारी उपस्थित होते.
घरपट्टी,पाणीपट्टी भरावी, म्हणून जनजागृती मोहीम राबवली गेली.यानंतरही जर नागरिकांनी थकबाकी न भरल्यास त्यांची नावे डिजिटल बोर्ड वर्तमान पत्रे मध्ये नावे छापण्यात येतील व त्यांच्या घरासमोर ढोल -ताश्या वाजवण्यात
येईल. असे कटु प्रसंग टाळण्यासाठी आपले कडील थकीत/चालु घरपट्टी ,पाणीपट्टी भरून जामखेड नगर परिषदेला सहकार्य करावे.
