जामखेड प्रतिनिधी: धनराज पवार
महाराष्ट्रासह संपूर्ण देशभरात हनुमान जन्मोत्सव चैत्र पौर्णिमेला साजरा करण्यात येतो श्री हनुमान जन्मोत्सव सोहळा, रामायण पारायण, धार्मिक कार्यक्रम, कीर्तन अशा विविध कार्यक्रमांचे आयोजन तसेच
मंदिरामध्ये आकर्षक फुलांची सजावट करून जामखेड शहरातील शनि चौक शनी/मारूती मंदिरामध्ये हनुमान जयंती मोठ्या उत्साहात साजरी करण्यात आली.
पहाटे ५ वाजता हनुमान चालीसा तसेच महाआरती करण्यात आली. महाआरतीचा बहुमान शनि/ मारुती मंदिर व्यवस्थापन समिति चे विश्वस्त विनायक राऊत व राजेंद्र जाधव ( फिटर), बाळासाहेब गवळी यांना मिळाला. हभप पंढरीनाथ राजगुरु महाराज यांचे किर्तन झाले.
यावेळी प्रा. मधुकर राळेभात , नगरसेवक अमित चिंतामणी,शनि/ मारुती मंदिर व्यवस्थापन समिति चे विश्वस्त विनायक राऊत यांनी मनोगत व्यक्त केले.
यावेळी राष्ट्रवादी काँग्रेस पार्टी चे नेते प्रा.मधुकर राळेभात, नगरसेवक अमित चिंतामणी, बंडू जोशी,पिंटू गुरव ( सिद्धेश्वर) ,नागेश घायाळ ( देवा) ,अँड.ऋषिकेश डूचे,पिंटूशेठ बोरा,भरत राळेभात, सुमित खांडविकर,विठ्ठल परांडकर, प्रशांत राऊत, राजु गवळी,विशाल टाक,दादा कुलथे,विजय कुलकर्णी आदी शनि/ मारुती मंदिर व्यवस्थापन समिति चे सर्व सदस्य , भाविक भक्त व ग्रामस्थ मोठ्या संख्येने उपस्थित होते.
मंदिरांच्या बाहेर दर्शनासाठी भाविकांच्या रांगा लागल्या होत्या. शनि/ मारुती मंदिर व्यवस्थापन समिति च्या वतीने हनुमान जयंतीनिमित्त शहरातील शनी मारुती मंदिरे रोषणाईने सजविण्यात आली होती. सकाळपासूनच मंदिरांमध्ये भक्तांची वर्दळ होती.
सालाबाद प्रमाणे यावर्षीही नगरसेवक अमित चिंतामणी यांनी भाविक भक्तांसाठी महाप्रसादाची व्यवस्था केली होती. शनि/ मारुती मंदिर व्यवस्थापन समिति च्या वतीने नगरसेवक अमित चिंतामणी यांचे विशेष आभार मानण्यात आले.
