धनराज पवार:
महाराष्ट्र शासन, सामाजिक न्याय व विशेष सहाय्य विभाग संचालित, सहायक आयुक्त कार्यालय, अहमदनगर अंतर्गत, अनु. जाती व नवबौध्द मुलांची शासकीय निवासी शाळा आरोळेनगर, जामखेड येथे गुरुवार दि. १५ जून २०२३ रोजी ‘प्रवेशोत्सव कार्यक्रम साजरा’ करण्यात आला.
कार्यक्रमाचे अध्यक्ष जामखेड पोलीस स्टेशनचे पोलीस निरीक्षक महेश पाटील होते.तर प्रमुख पाहुणे गटशिक्षणाधिकारी बाळासाहेब धनवे , राहुल गांगुर्डे (लेखाधिकारी सहायक आयुक्त समाजकल्याण अहमदनगर ), नगरसेवक मोहन पवार ,काॅन्स्टेबल अडसूळ, गर्जे सर, वाघमारे सर होते. शाळेच्या मुख्याध्यापिका, अधीक्षक व इतर मान्यवरांच्या हस्ते क्रांतीसुर्य ज्योतिबा फुले, राजर्षी शाहू महाराज, महामनव डॉ. बाबासाहेब आंबेडकर यांच्या प्रतिमेचे पूजन करण्यात आले.
यावेळी पोलीस निरीक्षक महेश पाटील म्हणाले की,विद्यार्थ्यांनी मन लावून अभ्यास करावा, भविष्यात मोठे होण्यासाठी शिस्त महत्त्वाची असते.
गटशिक्षणाधिकारी बाळासाहेब धनवे म्हणाले की, मी स्वतः वसतिगृहात राहून शिक्षण घेतले आहे. शासनाच्या या योजनेचा सर्व विद्यार्थ्यांनी लाभ मिळवला पाहिजे
राहुल गांगुर्डे यांनी विद्यार्थ्यांना शुभेच्छा दिल्या व चांगला अभ्यास करून भविष्यात मोठे अधिकारी बनण्यासाठी शुभेच्छा दिल्या.
शाळेच्या मुख्याध्यापिका श्रीमती शोभा कांबळे यांनी प्रास्ताविक करतांना सांगितले की, या निवासी शाळेतील उपलब्ध सोयी- सुविधांची माहिती दिली. या निवासी शाळेत विद्यार्थ्यांना उत्कृष्ट दर्जाचे जेवण नाश्ता, अंथरून पांघरून, ब्रश – पेस्ट, तेल, साबण सर्व साहित्य पुरविले जाते.शाळेत पहिल्या दिवशी आलेल्या सर्व विद्यार्थ्यांचे स्वागत करण्यात आले. आज शाळेत आलेल्या विद्यार्थ्यांना नवीन पुस्तके, वह्या व इतर स्टेशनरीचे वाटप कार्यक्रमाचे अध्यक्ष व प्रमुख पाहुण्यांच्या हस्ते करण्यात आले.
सर्व विद्यार्थी, पालक व उपस्थितांना सर्वांना मिष्ठान्न गोड जेवण व वृक्षारोपण करून कार्यक्रमाची सांगता झाली. कार्यक्रमाचे सूत्रसंचालन झिरपे जी.एस. यांनी केले तर आभार श्रीमती. मोहिनी भुजबळ यांनी मानले. कार्यक्रमासाठी सर्व कर्मचारी, क्रिस्टल कर्मचारी, विद्यार्थी उपस्थित होते.
निवासी शाळेत वृक्षारोपण करण्यात आले. तसेच नशामुक्त भारत पंधरवडा निमित्त आज व्यसनमुक्ती शपथ घेण्यात आली.
