सरकारी कृषी उत्पन्न बाजार समिती असलेल्या ठिकाणी कांदा भाव नाही. आवक कमी झाली असताना दुसरीकडे मात्र खाजगी कृषी उत्पन्न बाजार समिती कांद्याला चांगला भाव आहे. त्यामुळे आवक वाढली आहे. या ठिकाणी मोठ्या प्रमाणात कांदे विक्रीसाठी शेतकरी येऊ लागले आहेत. अवकाळी पाऊस आणि गारपिटीमुळे अनेक जिल्ह्यातील कांदा उत्पादक शेतकऱ्यांना मोठ्या प्रमाणात फटका बसला. त्यातून तो शेतकरी सावरतो ना सावरतो तेवढ्यात सरकारी कृषी उत्पन्न बाजार समितीमध्ये कांद्याला दर नाहीत. सरकारी कृषी उत्पन्न बाजार समितीत 100 रुपयांपासून 900 रुपयांपर्यंत कांद्याला दर मिळत आहेत.
खासगी बाजार समितीत कांदा आवक जास्त
खाजगी कृषी उत्पन्न बाजार समिती 300 रुपयापासून 1100 रुपयापर्यंत कांदा दर दिला जात आहे. सरकारी कृषी उत्पन्न बाजार समितीत साधारण दोन ते अडीच हजार क्विंटल कांद्याची आवक होते आहे. दुसरीकडे खाजगी कृषी उत्पन्न बाजार समितीत याच कांद्याची आवक दहा ते बारा हजार क्विंटल होत आहे.
खासगीत लागत नाही तोलाई, मोजाई, हमाली सरकारी कृषी उत्पन्न बाजार समितीत कांदा विक्रीसाठी नेतात. त्यानंतर तोलाई, मोजाई , हमाली, गोणीचे दर यामुळे शेतकऱ्यांना सरकारी कृषी उत्पन्न बाजार समितीत कांदा विक्री करणे परवडत नाही. त्यामुळे शेतकरी खाजगी कृषी उत्पन्न बाजार समितीकडे वळला आहे. खाजगी कृषी उत्पन्न बाजार समिती मात्र कुठल्याही पद्धतीने तोलाई, मोजाई, हमाली हे लागत नाही.
खासगी बाजार समितीत कांदा विक्री गोणीचे पैसे देखील लागत नाही. रोख रक्कम मिळत असल्याने शेतकरी खाजगी कृषी उत्पन्न बाजार समिती आपला कांदा विक्री करू लागला आहे. शेतकऱ्यांनी कांदा विकल्यानंतर ताबडतोब रोख रक्कम मिळते. मात्र तसे सरकारी कृषी उत्पन्न बाजार समितीत होत नाही. त्या ठिकाणी पंधरा दिवसांचा चेक किंवा ऑनलाईन पेमेंट दिले जाते. त्यामुळे शेतकऱ्यांना थांबावे लागते. हे परवडत नसल्याने अनेक शेतकरी खाजगी कृषी उत्पन्न बाजार समितीकडे आपला कांदा विक्री करू लागले आहेत.
