मुंबई: पृथ्वी शॉने रणजी ट्रॉफीच्या आसामविरुद्धच्या सामन्यात आपले तांडव चालूच ठेवले. या सामन्यात दुसऱ्याच दिवशी पृथ्वी २४० धावांच्या पुढे मैदानात उतरला आणि पुन्हा एक झंझावाती खेळी त्याने खेळली. आता त्याने त्रिशतक झळकावून आपल्या प्रथम श्रेणी क्रिकेट कारकिर्दीतील सर्वात मोठी धावसंख्या बनवली. त्रिशतक गाठण्यासाठी पृथ्वीने ३२६ चेंडूंचा सामना केला. आसामचा गोलंदाजांचा त्याने असा काही समाचार घेतला की त्यांना हैराण करून सोडले.
रणजी ट्रॉफीमध्ये मुंबई आणि आसाम यांच्यात खेळल्या जात असलेल्या सामन्याचा आज दुसरा दिवस आहे. पृथ्वी शॉ पहिल्या दिवसाच्या २४० धावांच्या पुढे खेळायला आला. पण, दुसऱ्या दिवशी त्याने पुढच्या ६० धावा इतक्या वेगाने केल्या की ३०० धावांचा पल्ला त्याने कधी गाठला हे कळले देखील नाही. आता तो रणजी ट्रॉफीच्या इतिहासात सर्वाधिक धावा करणारा दुसरा खेळाडू बनला आहे. हैदराबादविरुद्ध संजय मांजरेकरची नाबाद ३७७ धावांची खेळी मागे राहिली आहे. यात आघाडीवर आहे बीबी निंबाळकर, ज्यांनी ७५ वर्षांपूर्वी सौराष्ट्रविरुद्ध नाबाद ४४३ धावांची खेळी केली होती.
आसामविरुद्ध त्रिशतक ठोकून पृथ्वी शॉने रणजी ट्रॉफीमध्ये गेल्या ६ वर्षात जे घडले नाही ते करून दाखवले. या मोठ्या स्वरूपाच्या घरच्या मैदानावरील स्पर्धेत शतक झळकावणारा तो २०१७ नंतरचा पहिला फलंदाज ठरला आहे. आश्चर्याची गोष्ट म्हणजे पृथ्वी शॉची खेळी जसजशी प्रगती करत आहे तसतसा त्याचा स्ट्राईक रेटही वाढत आहे. म्हणजेच तो प्रगती करत आता थेट टी-२० स्टाईलमध्ये येताना दिसत आहे.
एक कॅच पकडला अन सामना पलटला; संपूर्ण क्रिकेट जगतात सुरू झालाय वाद, वाचा नेमकं कारण काय ?
पृथ्वी शॉने आसामविरुद्ध १०७ धावांत आपले शतक पूर्ण केले. यानंतर त्याने १२८ चेंडू खेळून शतकाचे दुहेरी शतकात रूपांतर केले. म्हणजे २३५ चेंडूत द्विशतक पूर्ण केले. त्यानंतर अवघ्या ९१ चेंडूत त्रिशतक झळकावले. शॉचे त्रिशतक ३२६ चेंडूत पूर्ण झाले.
उजव्या हाताच्या या फलंदाजाने देशांतर्गत क्रिकेटमध्ये केवळ ३२६ चेंडूंमध्ये आपले पहिले त्रिशतक पूर्ण केले आणि त्यानंतर १०० च्या स्ट्राइक रेटने धावा करण्यासाठी गीअर्सच बदलले. २३ वर्षीय खेळाडूने रणजी ट्रॉफीमध्ये मुंबईसाठी ३४० धावा करण्याचा महान भारतीय फलंदाज सुनील गावसकर यांचा विक्रम मागे टाकला आणि भारताचा कसोटी विशेषज्ञ चेतेश्वर पुजारा आणि व्हीव्हीएस लक्ष्मण यांच्या धावसंख्येलाही मागे टाकले आहे. पुजाराने रणजी ट्रॉफीच्या २०१२-१३ च्या हंगामात सौराष्ट्रसाठी कर्नाटक विरुद्ध ३५२ धावा केल्या होत्या, तर लक्ष्मण यांनी १९९९-२००० हंगामात कर्नाटक विरुद्ध हैदराबादसाठी ३५३ धावा केल्या होत्या.
