पुणे: पुण्यात नात्याला काळिमा फासणारी एक धक्कादायक घटना घडली आहे. ६० वर्षीय आजोबांनी आपल्याच ११ वर्षीय नातीवर लैंगिक अत्याचार केल्याची घटना समोर आली आहे. याप्रकरणी २३ वर्षीय महिलेच्या फिर्यादी नंतर नराधम आजोबाला कोंढवा पोलिसांनी अटक केली आहे.
पीडिती चिमुकली इयत्ता चौथीमध्ये शिक्षण घेत आहे. फिर्यादी या चिमुकलीच्या शाळेत गुड टच बॅड टच वर एक सेशन घेत होत्या. यावेळी चौथीत शिकणार्या एका ११ वर्षाच्या मुलीने आपल्यावरील प्रसंग सांगितला. तिने सांगितले की, घरात कोणी नसताना माझे दादाजी मला मांडीवर घेऊन बसत आणि अश्लिल चाळे करीत. तसेच मी ओरडले तर माझे तोंड दाबून गप्प करीत. त्यांना विरोध केला तर नख लावतात. मला घाणेरडे व्हिडिओ दाखवत होते, अशी आपबीती पीडित मुलींना सांगितली.
दिल्ली पुन्हा हादरली; ब्रेकअप केल्यामुळे तरुणीसोबत बॉयफ्रेंडचे हादरवणारं कृत्य, VIDEO झाला व्हायरल !
यानंतर फिर्यादींच्या तक्रारीनंतर कोंढवा पोलिसांनी नराधम आजोबाच्या विरोधात पोक्सो अंतर्गत गुन्हा दाखल करुन आजोबाला अटक केली आहे. हा प्रकार डिसेंबर २०२२मध्ये घडला होता.
दरम्यान, पुण्यातील अनेक शाळांमध्ये शाळकरी मुलींसाठी समुपदेशनाचा वर्ग घेतले जात आहेत. त्यासाठी अनेक संस्थांनी पुढाकार घेतला आहे. मानसशास्त्रज्ञ किंवा एखादे डाँक्टर शाळेत जाऊन विद्यार्थ्यांशी संवाद साधतात. त्यावेळी विद्यार्थीनींना गुड टच बॅड टच याची देखील माहिती दिली जाते. यातूनच हा सगळा प्रकार समोर आला आहे.
