सामाजिक कार्य करणार्यांना पुरस्कार दिल्याने प्रोत्साहन मिळते – माधवराव लामखडे
महालोकवाणी न्यूज:-
नगर – सामाजिक क्षेत्रात कार्य करणार्यांना पुरस्कार देऊन प्रोत्साहन देण्याचे डोंगरे बहुउद्देशिय संस्था चांगले काम करत आहे. साई-संघर्ष सामाजिक प्रतिष्ठानच्या माध्यमातून योगेश पिंपळे हे धार्मिक, सामाजिक क्षेत्रात उल्लेखनिय कार्य करत आहेत. कोरोना काळात माणुसकीचे दर्शन घडवित जनआरोग्य फौंडेशनच्या माध्यमातून रुग्णांना दिलासा देत सर्वसामान्य नागरिकांना मदतीचा हात दिला.
त्यांच्या या कार्याची दखल घेत दिलेला पुरस्कार त्यांच्या कार्याचे कौतुक करणारा आहे, असे प्रतिपादन माजी जि.प.सदस्य माधवराव लामखडे यांनी केले.
निमगांव वाघा येथील स्व.पै.किसनराव डोंगरे बहुउद्देशिय संस्थेच्यावतीने युवा दिनानिमित्त साई-संघर्ष सामाजिक प्रतिष्ठानचे अध्यक्ष योगेश पिंपळे यांना स्वामी विवेकानंद ज्ञान गौरव राज्यस्तरीय पुरस्कार प्रदान करण्यात आला. याप्रसंगी माजी जि.प.सदस्य माधवराव लामखडे, संस्थेचे अध्यक्ष नाना डोंगरे, गीताराम नरवडे, कामरगावचे सरपंच तुकाराम कातोरे, शदर कासार, ज्ञानदेव गोरे, रमेश शिंदे, राम शेळके, डॉ.विजय जाधव,भरत बोडखे आदि उपस्थित होते.
पुरस्कार मिळाल्यानंतर योगेश पिंपळे म्हणाले, युवा सोशल ग्रुप, अस्तित्व फौंडेशन, रुग्ण हक्क परिषद संघटना, जनआरोग्य फौंडेशन, स्नेहालय, चाईल्ड लाईन,जिवा सेना संघटना, साई-संघर्ष सामाजिक प्रतिष्ठानच्या माध्यमातून सामाजिक कार्य करतांना अनेकांचे सहकार्य मिळत असते. समाजसेवेचे व्रत आपण जपत असून, आज मिळालेल्या पुरस्काराने आपणास प्रोत्साहन मिळणार असल्याचे सांगितले.
