जामखेड प्रतिनिधी
शाहू, फुले, आंबेडकरी,चळवळीचे अहमदनगर जिल्ह्याचे दमदार नेतृत्व,बहुजन समाजाला न्याय मिळवून देणारे, अन्यायाविरुद्ध आवाज उठवणारे, धडाकेबाज नेतृत्व म्हणून सुनील साळवे जिल्हाध्यक्ष अहमदनगर यांच्याकडे पाहिले जाते . रिपब्लिकन पक्षाचे राष्ट्रीय नेते केंद्रीय सामाजिक न्याय राज्यमंत्री ना. रामदासजी आठवले साहेब यांचे विश्वासू सहकारी म्हणून त्यांची राज्यात ओळख आहे.
अशा या बुलंद नेतृत्वाचा दिनांक 11 जानेवारी 2023 रोजी वाढदिवस अहमदनगर जिल्ह्यात रिपब्लिकन पक्षाच्या कार्यकर्त्यांनी मोठ्या उत्साहाने साजरा करण्यात आला. रिपब्लिकन पक्षाचे झुंजार कार्यकर्ते बहुसंख्येने एकत्रित येऊन अहमदनगर येथील रिपाईच्या संपर्क कार्यालयामध्ये केक कापून हा वाढदिवस साजरा करण्यात आला. तसेच प्रत्येक तालुक्यात स्थानिक च्या कार्यकर्त्यांनी डिजिटल बोर्ड लावून , बॅनर लावून ,व्हाट्सअप , वर संदेश पाठवून ,फोन करून ,समक्ष भेटून जमेल तसे जिल्हाध्यक्ष सुनील साळवे यांना आदराने शुभेच्छा दिल्या.
खासदार ना.रामदास आठवले साहेब रिपब्लिकन पक्षाचे नेतृत्व करत असताना तळागाळातील माणसाला न्याय मिळवण्यासाठी ते महाराष्ट्रात नव्हे तर देशभरात दौरे करत असतात . त्याप्रमाणेच रिपब्लिकन पक्षाचं काम अहमदनगर जिल्ह्यामध्ये तालुक्यात प्रत्येक गावात,वाडी वस्तीवर, खेड्यापाड्यात घेऊन जाण्याचे काम सुनील साळवे करत आहेत. त्यांना या पुढील काळात असेच समाजाची सेवा करण्याची संधी मिळो,त्यांना भरभरून आयुष्य लाभो ,त्यांचं भावी आयुष्य समाजासाठी दिनदुबळ्या लोकांसाठी खर्च करण्यासाठी त्यांना उदंड आयुष्य मिळो, अशा पद्धतीची शुभकामना कार्यकर्त्याकडून व्यक्त होत आहे .
जामखेड तालुक्यातही अनेक ठिकाणी त्यांचा वाढदिवस साजरा करण्यात आला .सांगवी तालुका जामखेड येथील कार्यकर्ते यांनी डिजिटल बोर्ड लावून केक कापून त्यांना शुभेच्छा देण्यात आल्या.
