महालोकवाणी ता.31 भाजपचे आमदार योगेश सागर यांनी शुक्रवारी विधानसभेत युवासेनेचे सचिव वरुण सरदेसाई यांचे नाव घेऊन त्यांच्याशी संबंधित संस्थेवर युवकांना नोकरीचे आमिष दाखवून आर्थिक फसवणूक केल्याचा आरोप केला.
त्यावर उपमुख्यमंत्री देवेंद्र फडणवीस यांनी या चौकशीचे आश्वासन दिले. त्यामुळे त्यांच्या अडचणी वाढण्याची शक्यता नाकारता येत नाही,विधानसभेत प्रश्नोत्तराचा तास संपल्यानंतर सागर यांनी वरुण सरदेसाई आणि रुपेश कदम यांच्याशी संबंधित हिंदुस्थान स्काऊट अँड गाईड या संस्थेकडून झालेल्या बेरोजगार तरुणांच्या फसवणुकीचा मुद्दा उपस्थित केला. हिंदुस्थान स्काऊट अँड गाइड ही संस्था शासनमान्य असल्याचे भासवून गरीब तरुणांकडून नोकरी लावण्याच्या बहाण्याने लाखो रुपये उकळले.
पंतच्या अपघातानंतर भडकली रोहित शर्माची पत्नी; कारण ऐकून तुम्हीही व्हाल थक्क !
कुटुंबांनी आपली जमीन, शेती विकून १०-१० लाख रुपये दिले. पैसे मिळाल्यानंतर या तरुणांना प्रशिक्षणाच्या नावाखाली गोंदियातील शाळेत पाठविण्यात आले. विशेष म्ह।म्हणजे त्यासाठी शाळा उभी करण्यात आली.
फसवणूक झालेले तरुण हे चंद्रपूर, गडचिरोली जिल्ह्यातील आहेत गरीब घरातील सामान्य वर्गातले आहेत. आपली फसवणूक झाल्याचे लक्षात आल्यानंतर या तरुणांनी पैशांसाठी तगादा लावला. मात्र, त्यांना अद्याप त्यांचे पैसे मिळालेले नाहीत. त्यामुळे आणखी किती जणांची फसवणूक केली आहे, याची चौकशी करावी, अशी मागणी त्यांनी केली
