📍 नाशिक | प्रतिनिधी
नाशिकमधील बहुचर्चित प्रकरणातील आरोपी अशोक खरात ashok kharat याची विशेष तपास पथक (SIT) कडून सुरू असलेल्या चौकशीदरम्यान प्रकृती अचानक बिघडल्याची घटना घडली. यानंतर खबरदारीचा उपाय म्हणून तातडीने कार्डियाक ॲम्बुलन्स मागवून त्याची वैद्यकीय तपासणी करण्यात आली.
मिळालेल्या माहितीनुसार, चौकशीदरम्यान खरात यांना मळमळ, उलट्या आणि तीव्र डोकेदुखीचा त्रास जाणवू लागला. तसेच छातीत दुखत असल्याची तक्रारही त्यांनी केली. परिस्थितीचे गांभीर्य लक्षात घेऊन वैद्यकीय पथकाला बोलावण्यात आले असून, प्राथमिक तपासणीनंतर काही काळ त्यांना ऑक्सिजन सपोर्टवर ठेवण्यात आले.
दरम्यान, दोन दिवसांपूर्वीच खरात यांच्या वकिलांनी त्यांना न्यूरोलॉजिकल समस्या असल्याचा दावा करत न्यूरोसर्जनकडे उपचारासाठी पाठवण्याची मागणी न्यायालयात केली होती. अशातच चौकशीदरम्यान प्रकृती बिघडल्याने या प्रकरणाला नवे वळण मिळण्याची शक्यता व्यक्त केली जात आहे.
ashok kharat आर्थिक व्यवहारांवर SIT ची नजर
या प्रकरणाच्या तपासात SIT कडून संबंधित आर्थिक व्यवहारांची सखोल चौकशी सुरू आहे. शहरातील एका नामांकित हॉटेल व्यावसायिकाला चौकशीसाठी पाचारण करण्यात आले होते. जवळपास सहा तास चाललेल्या या चौकशीत आर्थिक हितसंबंध, संशयास्पद व्यवहार तसेच जमीन खरेदी-विक्रीशी संबंधित बाबींवर विचारणा करण्यात आली. चौकशीनंतर संबंधित व्यावसायिकाला सोडण्यात आले असून, तपास यंत्रणेला काही महत्त्वाचे धागेदोरे मिळाल्याची माहिती आहे.
अशोक खरातची प्रकृती बिघडली
उद्या न्यायालयात हजेरी
अशोक खरात यांची पोलीस कोठडी उद्या संपत असल्याने त्यांना पुन्हा न्यायालयात हजर करण्यात येणार आहे. तपासाच्या प्रगतीचा विचार करता, कोठडी वाढवून मिळावी यासाठी पोलिसांकडून मागणी होण्याची शक्यता वर्तवली जात आहे.
सदर प्रकरणात फसवणूक आणि अंधश्रद्धा पसरवल्याचे गंभीर आरोप असून, आर्थिक गैरव्यवहाराचा तपास निर्णायक टप्प्यावर पोहोचला आहे.
