महालोकवाणी न्यूज:
ब्लॅकमेलिंगचा प्रयत्नअमृता फडणवीस यांना ब्लॅकमेल करणाऱ्या एका फॅशन डिझायनरविरोधात गुन्हा दाखल करण्यात आला आहे. त्याबाबतची माहिती उपमुख्यमंत्री देवेंद्र फडणवीस यांनी सभागृहात दिली. तसेच या प्रकरणाची संपूर्ण माहितीही दिली.
माझ्या पत्नीने या प्रकरणाचा एक एफआयआर दाखल केला आहे. तिच्यावर दबाव आणून माझ्यामाध्यमातून काम करून घेण्याचा प्रयत्न झाला. आधी पैशाची ऑफर दिली. नंतर ब्लॅकमेल करण्याचा प्रयत्न करण्यात आला. अनिल जयसिंघांनी नावाचा एक व्यक्ती गेल्या सात ते आठ वर्षापासून फरार आहे. त्याच्यावर 14 ते 15 गुन्हे आहेत. त्याची एक मुलगी आहे. शिकलेली आहे. हुशार आहे. ही मुलगी 2015-16च्या दरम्यान अमृताला भेटत होती. नंतर तिचं येणं बंद झालं. अचानक 2021 मध्ये या मुलीनं माझ्या पत्नीला भेटणं सुरू केलं, असं देवेंद्र फडणवीस यांनी सांगितलं
विश्वास संपादन केला
त्यानंतर तिने मी डिझायनर आहे, असं सांगणं सुरू केलं. मी डिझायनिंगचे कपडे तयार करते. माझा बिझनेस सुरू आहे. मी आर्टिफिशियल ज्वेलरी तयार करते. आणि त्यासोबत बेस्ट 50 पॉवर फुल वूमनमध्ये माझं नाव आलं आहे, असं तिने सांगितलं. त्यानंतर ती म्हणाली माझी आई वारली. मी तिच्यावर पुस्तक लिहिलं आहे. तुम्ही त्याचं प्रकाशन करा त्यानंतर तिने घरच्या घरी पुस्तकाचं प्रकाशन करून घेतलं. असा विश्वास संपादित करून घेतला. हा विश्वास संपादित केल्यानंतर काही दिवसांनी तिनं येणं जाणं सुरू केलं. कधी म्हणायची माझे डिझायनर क्लोथ वापरा. ती माझ्या पत्नीला डिझायनर कपडे वापरायाल द्यायची. त्यामुळे तिने आमचा अजून विश्वास संपादित केला
एक कोटीची ऑफर दिली
हळूच एक दिवस तिने सांगितलं, माझ्या वडिलांना चुकीच्या केसमध्ये फसवण्यात आलंय. त्यांना सोडवा. त्यावर माझी पत्नी म्हणाली, तुझं काही निवेदन असेल तर तू यांना देऊन टाक. सरकार बदलल्यावर तिने हे सांगितलं. तोपर्यंत ती विश्वास संपादन करत होती. काही दिवसाने तिने सांगित २ की माझे वडील सर्व बुकींना ओळखतात. आम्ही बुकींची माहिती द्यायचो. त्यावरून रेड व्हायची आणि त्यातून आम्हाला पैसे मिळायचे. तुम्ही जर थोडी मदत केली तर आपणही अशा रेड टाकू.तिचं हे बोलणं माझ्या पत्नीने गांभीर्याने घेतलं नाही. तिला सांगितलं या गोष्टी आम्हाला सांगायच्या नाहीत. आम्ही या फालतू गोष्टीत पडणार नाही. तिने हा धंदा केला तर फायदा होईल असं सांगितलं. माझ्या वडिलांना सोडवण्यासाठी एक कोटी देईल. त्यांची सुटका करा, अशीही ती म्हणाली
एफआयआर आला आणि…
कोणताही एफआयआर जास्त दिवस लपून राहत नाही. दोन दिवसानंतर तो कोर्टात द्यावा लागतो. त्यामुळे हा एफआयआर सार्वजनिक झाला. एका वर्तमानपत्राने त्याची बातमी केली. एफआयआर बाहेर आला नसता तर आम्ही आरोपींना पकडण्यात यशस्वी झालो असतो. कारण पोलिसांनी सागितलं आपण त्यांना एंगेज करू. त्यानंतर आरोपीने ए संभाषणात आपण चुकीने हे केल्याचंही कबूल केलं. आमच्यावरच्या केसेस मागे घेण्यासाठी हे केल्याचं त्यांनी सांगितलं, अशी माहितीही त्यांनी दिली.
अनेक बड्या नेत्यांची नावे घेतली
मागच्या सरकारने माझ्या वडिलांना सोडवण्याचे प्रयत्न सुरू केले होते. पण सरकार बदलल्याने ती प्रक्रिया थांबली. तुम्ही ते बंद केलं. म्हणून आम्हाला तुम्हाला ब्लॅकमेल करावं लागलं, असं या मुलीने सांगितलं. हे सांगताना त्यांनी काही बड्या नेत्यांची नावे सांगितले आहेत, पण ते नावे वेळ आल्यावर उघड करणार आहे,
