जामखेड प्रतिनिधी: धनराज पवार
जामखेड शहरातील तहसिल कार्यालयच्या प्रागणात शासकीय,निमशासकीय शिक्षक व शिक्षकेत सर्व कर्मचाऱ्यांचा जुनी पेन्शनसाठी जामखेड मध्ये तहसील कार्यालयावर थाळीनाद आंदोलन करण्यात आले.
“एकच मिशन जुनी पेन्शन, जुनी पेन्शन हा कर्मचाऱ्यांचा जन्म सिद्ध हक्क आहे आणि तो आम्ही मिळवणारच , कोण म्हणता देत नाही घेतल्याशिवाय राहत नाही, अशा घोषणेने जामखेड तहसील कार्यालय दुमदुमून निघाले तसेच सर्व कर्मचाऱ्यांनी थाळी नाद आंदोलन केले ,जामखेड मध्ये शासकीय निमशासकीय शिक्षक व शिक्षकेत सर्व कर्मचाऱ्यांचा बेमुदत संप 14 मार्च 2023 पासून चालू झाला आहे , आज चौथा दिवस
या संपासाठी प्रा मधुकर राळेभात, अँड.डाँ. अरुण जाधव यांनी पाठिंबा देवून समर्थन दिले. याप्रसंगी ज्येष्ठ शिक्षक शिवाजीराव ढाळे , मुख्याध्यापक कोपनर ,अध्यक्ष युवराज (दादा)पाटील , सचिव- ज्ञानेश्वर कोळेकर, बापूराव माने अविनाश नवसरे , सुखदेव कारंडे ,प्रशांत सातपुते, रामहरी बांगर ,पी.टी.गायकवाड, ज्योती पवार , किशोर बोराडे ,विजयराज जाधव ,राजन समिंदर ,सुरज मुंडे शारदा कुटे,शोभा कांबळे , शिल्पा साखरे , सुदाम वराट, नितीन शिंदे , प्रशांत जाधव , रमेश बोलभट , सुरेश हजारे, अझरुद्दीन सय्यद , उमाकांत कुलकर्णी ,हनुमंत खाशेटे ,संतोष भोंडवे ,रंगनाथ जगधने,मयुर भोसले सर्व जामखेड तालुका कर्मचारी कृती समितीचे सर्व पदाधिकारी,शिक्षक तसेच विविध विभागातील पदाधिकारी कर्मचारी मोठ्या संख्येने उपस्थित होते.
यावेळी प्रा.मधुकर राळेभात यांनी जुनी पेन्शन हे लागू झालीच पाहिजे असे मत व्यक्त केले व मी ही ह्या संपात पाठिंबा देत आहे, कर्मचारी निवृत्त झाल्यानंतर चांगल्या प्रकारे आरोग्यदायी जीवन जगता यावे यासाठी जुनी पेन्शन पाहिजे आहे, सरकारने लवकरात लवकर जुनी पेन्शन योजना लागू करावी असे मत व्यक्त केले.
वंचित बहुजन आघाडी चे नेते अँड. अरुण जाधव यांनी घटनेच्या कलम 14 नुसार समानतेच्या अधिकार आहे , जुनी पेन्शन एक न्यायिक मागणी आहे ती मान्य झाली पाहिजे तसेच या लढ्याला कायदेशीर महत्त्व व कायदेशीर आधार आहे, सर्व शासकीय व निमशासकीय कर्मचाऱ्यांची जुनी पेन्शन मागणी मान्य झाली पाहिजे व आमचा त्यांना पाठिंबा आहे असे मत व्यक्त केले.
ज्येष्ठ शिक्षक शिवाजीराव ढाळे यांनी संपात सर्वांनी एकजुटीने सहभाग व्हावे, एकीचे बळाचा नेहमीच विजय होते, शेवटी सर्व कर्मचाऱ्यांनी जुनी पेन्शन साठी थाळी नाद आंदोलन करून घोषणा दिल्या.
