नगर- सावेडी उपनगरात गुलमोहोर रोडवरील श्री स्वामी समर्थ मंदिरात प्रकट दिन उत्साहात, भक्तीमय वातावरणात भाविकांच्या प्रचंड गर्दीत साजरा करण्यात आला.
बुधवारी गुढीपाडवा सण मोठ्या उत्साहात साजरा होऊन गुरुवारी श्री स्वामी समर्थ प्रकट दिनानिमित्त गुलमोहोर रोडवरील श्री स्वामी समर्थ मंदिरात पहाटे ‘श्रीं’ना मंगलस्नान घालण्यात आले. स्वामींना रुद्राभिषेक डॉ. श्री. व सौ. आनंद नांदेडकर डॉ.श्री व सौ.प्रद्युम्न पुंडे, श्री व सौ. विजय शहाणे यांच्या हस्ते करण्यात आला.
प्रकट दिनानिमित्त तीन दिवसांचे गुरुलिलामृत ग्रंथ पारायण सोहळा पार पडला. यामध्ये 21 अध्यायांचे वाचन भाविकांनी केले. दुपारी 12 .30वा. महाआरती करण्यात आली. याप्रसंगी नगरसेवक अमोल गाडे, सुनिल त्र्यंबके, विनित पाउलबुधे, निखिल वारे, बाळासाहेब पवार, बाळासाहेब सोनवणे आदि उपस्थित होते.
कायम स्वरुपी मंदिराच्या विकास कामांसाठी सहकार्य करणार्या नगरसेवकांचा सन्मान यावेळी करण्यात आला.
महाआरती झाल्यावर महाप्रसादाचा कार्यक्रम झाला. यावेळी भाविकांनी मोठी गर्दी केली होती. मंदिराच्यावतीने चोख व्यवस्था केल्याने सर्वांना महाप्रसादाचा लाभ घेता आला.
यासाठी सुनिल मानकर, जितेंद्र चत्तर, संदिप पाटील, पंकज गुजराथी, विजय तिमोने, उत्तम भावसार, संतोष उपाध्ये, संजय देशपांडे, डॉ.योगेश वाघमारे, गिरीष धर्माधिकारी, विनायक पवळे, निखिल देवरे, शशी मुळे, आदिनाथ म्हस्के, बाबासाहेब मरकड, रमेश म्याना, आदिंनी परिश्रम घेतले.
