जिल्हा रुग्णालयात कर्मचाऱ्यांचा तुटवडा, जखमींना मिळत नाहीत पुरेश्या सुविधा
जामखेड प्रतिनिधी – धनराज पवार
जामखेड शहरात शुक्रवारी सकाळी दहा वाजता प्रवीण बोलभट यांनी सामाजिक कार्यकर्ते संजय कोठारी यांना फोनवर माहिती दिली बस स्टँड समोर एक माणूस चक्कर येऊन पडला आहे. त्यास लवकर नेण्यास यावे. यावर कोठारी तातडीने रूग्णवाहिका घेवून , घटनास्थळी पोहोचले. त्यांनी त्या व्यक्तीस ताबडतोब सरकारी दवाखान्यात दाखल केले.
दरम्यान साकत फाटा येथे एक अपघात झाल्याची माहिती संदीप ठोंबरे यांनी सामाजिक कार्यकर्ते संजय कोठारी यांना दिली. त्यांनी ताबडतोब आपली रुग्णवाहिका घेऊन आठ किलोमीटर अंतरावर असलेले रावसाहेब भापकर साकत (वय वर्षे ७५) यांना आपल्या रुग्णवाहिकेत आणून दवाखान्यात दाखल केले. भापकर यांच्या डोक्याला मार लागला होता.मात्र वेळेत उपचार मिळाल्याने त्यांची तब्येत आता स्थिर आहे.
यावेळी संदीप ठोंबरे, प्रवीण बोलबट, संतोष नवलाखा यांनी मदत केली.
सरकारी दवाखान्यांमध्ये पेशंट उतरवण्यासाठी माणूस नसल्याने संजय कोठारी यांनाच ते पेशंटला उचलून आत दाखल करावे लागले. त्यास वैद्यकीय अधीक्षक डॉ शशांक वाघमारे यांनी लगेच नगरला रेफर करण्याचा प्रयत्न केला.मात्र पेशंटला फक्त अशक्तपणा आल्याने फिट येऊन चक्कर आली होती. पेशंटला पाणी पाजले की ते उठून बसले आणि पायी चालत गेले.
प्रतिक्रिया : सामाजिक कार्यकर्ते संजय कोठारी
यावेळी बोलताना म्हणाले पेशंट सरकारी दवाखान्यात न्यायचं म्हटलं की अंगावर काटाच येतो कारण एक तर तिथे कोणी मदत करण्यास नसते आणि पेशंट आपल्याला स्वतःलाच वर घेऊन आत दाखल करावे लागते पेशंटची अवस्था खूप वाईट असते आणि अशा पेशंटला मला स्वतः आत घेऊन जावे लागते ही खंत वाटते.
