जामखेड पोलीस ठाण्यात शांतता कमिटीची बैठक संपन्न
जामखेड | प्रतिनिधी
डॉ. बाबासाहेब आंबेडकर जयंती अनुशासनात आणि शांततेत साजरी व्हावी, यासाठी जामखेड पोलीस ठाण्यात शांतता कमिटीची बैठक पार पडली. शहरातील विविध सामाजिक संघटना, भिमसैनिक, पोलीस व नगरपरिषद अधिकारी बैठकीला उपस्थित होते.
यावेळी बोलताना पोलीस निरीक्षक महेश पाटील यांनी सांगितले की,मिरवणुकीत फक्त डॉ. बाबासाहेब आंबेडकर यांचेच फोटो वापरण्याचे स्पष्ट निर्देश दिले. तसेच सोशल मीडियावर वादग्रस्त पोस्ट, जुन्या घटनांचे भडक संदर्भ, आक्षेपार्ह पोस्टर यावर कठोर कारवाईचा इशारा दिला.
सहाय्यक पोलीस निरीक्षक नंदकुमार सोनवलकर यांनी डिजेचा आवाज नियंत्रित ठेवणे, लेझर लाइट्स न वापरणे आणि महिलांच्या सुरक्षेची खबरदारी घेण्याच्या सूचना दिल्या.
या बैठकीत प्रा. मधुकर राळेभात, ॲड.डॉ.अरुण जाधव, संध्या सोनवणे, प्रदीप टापरे, प्राचार्य विकी घायतडक, बापूसाहेब गायकवाड, मोहन पवार यांच्यासह अनेक मान्यवरांनी आपली मते मांडली.
यावेळी पोलीस निरीक्षक महेश पाटील, सहाय्यक पोलीस उपनिरीक्षक नंदकुमार सोनवलकर, जामखेड नगर परिषदेचे आरोग्य विभाग चे तुषार केवडे, लक्ष्मण माने,भाजपा जेष्ठ नेते प्रा.मधुकर राळेभात, वंचित बहुजन आघाडीचे राज्य प्रवक्ते ॲड डॉ अरुण जाधव, मनसे तालुका अध्यक्ष प्रदीप टापरे, नगरसेवक मोहन पवार,प्राचार्य विकी घायतडक, नगरसेवक दिगांबर चव्हाण, राष्ट्रवादी युवती काँग्रेसच्या प्रदेशाध्यक्षा संध्या सोनवणे,वंचित बहुजन आघाडीचे तालुकाध्यक्ष आतिश पारवे, राष्ट्रवादी काँग्रेस शरदचंद्र पक्षाचे युवक अध्यक्ष काका राळेभात, भाजपा शहराध्यक्ष पवन राळेभात,आनंद सदाफुले,राणा सदाफुले,दिपक घायतडक,विकी गायकवाड,मनिष घायतडक,आकिब आतार,आतिष मेघडंबर, राम गायकवाड आदी भिमसैनिक व मान्यवर उपस्थित होते पोलीस नाईक अविनाश ढेरे यांनी या बैठकीचे नियोजन केले.
पोलीस प्रशासनाच्या सूचना
- महिलांशी छेडछाड होणार नाही याची सर्वांनी काळजी घ्यावी.
- ध्वनी प्रदूषण टाळावे. डिजे आवाजाचा अतिरेक होणार नाही याकडे लक्ष द्यावे.
- लेझर सिस्टीम व लाइट्स वापरू नयेत – ते डोळ्यांना त्रासदायक ठरू शकतात.
- प्रतिमा पूजन ज्या ठिकाणी होणार आहे, त्या ठिकाणी स्वच्छता ठेवावी.
- कोणतीही अनुचित घटना घडणार नाही याची दक्षता घ्यावी.
- सोशल मीडियावर आक्षेपार्ह विधान किंवा वादग्रस्त फॉरवर्ड करू नयेत.
- जुन्या घटनांचा संदर्भ देत आक्षेपार्ह पोस्टर्स टाकू नयेत.
- मिरवणुकीचे मार्ग निश्चित पाळावेत.
- मिरवणुकीदरम्यान कोणताही अनुचित प्रकार, जसे की कपडे काढणे, टाळावे.
सर्वांनी सहकार्य करून शांतता आणि शिस्तीने उत्सव साजरा करावा.
