रविवार दिनांक 4 जून 2023 रोजी ‘ माऊली संकुल ‘ झोपडी कॅन्टीन येथे ‘जय मल्हार’ या मालिकेतील खंडोबाची भूमिका करणारे सुप्रसिद्ध अभिनेते श्री देवदत्त नागे यांच्या शुभहस्ते श्री सांदिपनी ॲकॅडमीच्या सर्व गुणवंत विद्यार्थ्यांचा सत्कार करण्यात आला. तानाजी’ व ‘ आदिपुरूष’ या चित्रपटांतील भूमिकेमुळे श्री देवदत्त नागे हे लोकांच्या मनामनांत व घराघरांत पोहोचले आहेत
रविवारी सकाळी दहा वाजता प्रमुख पाहुणे श्री देवदत्त नागे यांचे माऊली संकुल येथे आगमन झाले. यावेळी त्यांचे रांगोळी काढून तसेच आरती ओवाळून मोठे जंगी स्वागत करण्यात आले.
प्रमुख पाहुणे श्री देवदत्त नागे, श्री बालराजू सर, प्रभू गिरीवरधारी, श्री राहुल गुजराल सर, श्री नानासाहेब बारहाते सर तसेच प्राध्यापक पंडीत सर यांच्या शुभहस्ते दिपप्रज्वलन करण्यात आले. त्यानंतर कृष्ण वंदना झाली. त्यानंतर श्री देवदत्त नागे यांच्यावर माहितीपट तसेच आदीपुरुष या चित्रपटाचा ट्रेलर दाखवण्यात आला
श्री देवदत्त नागे यांनी आपले मनोगत व्यक्त केले. यावेळी त्यांनी आपल्या शालेय जीवनात घडलेले अनेक महत्वाचे प्रसंग सांगितले. तसेच अभ्यासाबरोबर शारिरीक स्वास्थ्य ही खूपच महत्वाचे असल्याचे त्यांनी सांगितले. विद्यार्थ्यांना त्यांनी आपल्या आई वडीलांना न विसरता आपल्या ध्येयाकडे वाटचाल सुरु ठेवण्याचा सल्ला दिला. श्री सांदिपनी ॲकॅडमीचे संचालक श्री बालराजू सर यांचे शिक्षण व विद्यार्थ्याप्रती असलेले प्रेम व आस्था याचे त्यांनी तोंडभरून कौतुक केले. तसेच श्री बालराजू सर यांचे शिक्षण क्षेत्रातील योगदान अनमोल असल्याचे प्रतिपादन त्यांनी केले.
इस्कॉन मंदिराचे प्रभू गिरीवरधारी यांनीही यावेळी मार्गदर्शन केले. श्री देवदत्त नागे यांचे त्यांनी विशेष कौतुक केले. चित्रपट क्षेत्रात असूनही ते निर्व्यसनी व चारित्र्यसंपन्न आहेत याचा मला सार्थ अभिमान आहे
रविवार दिनांक 14 मे 2023 रोजी श्री सांदिपनी ॲकॅडमी तर्फे Nischay 2.0 परीक्षा आयोजित करण्यात आली होती. Nischay 2.0 या परीक्षेच्या माध्यमातून विद्यार्थ्यांना 10,000 ते 2,00,000 पर्यंत स्कॉलरशिप तसेच 21,000 ते 51,000 रोख बक्षीस, Laptop, टॅब, स्मार्ट वॉच, ट्रॉफिस व मेडल्स यांचे वाटप करण्यात आले.
JEE Mains परीक्षेत श्री सांदिपनी ॲकॅडमीच्या विद्यार्थ्यांनी घवघवीत यश मिळविल्यानंतर पालक व विद्यार्थी यांचा प्रचंड प्रतिसाद मिळत आहे.
हा कार्यक्रम यशस्वी करण्यासाठी श्री सांदिपनी ॲकॅडमीचे सर्वेसर्वा श्री बालराजू सर, श्री राहुल गुजराल सर व श्री नानासाहेब बारहाते सर व सर्व स्टाफ यांनी विशेष परिश्रम घेतले. या वेळी पालक व विद्यार्थी यांनी एकच गर्दी केली होती.
