अहिल्यानगर (प्रतिनिधी):- नगर-पुणे Nagar-Pune महामार्गावर चास शिवारात लुटीची घटना 25 मार्च रोजी पहाटेच्या सुमारास घडली आहे.कार मधील कुटुंबाला कोयत्याने मारहाण करत कार मधील महिलांच्या गळ्यातील सुमारे ८ तोळे वजनाचे सोन्याचे दागिने लुटून नेले आहे.याबाबत भाऊसाहेब मोघाजी भोजने (व्य ५५, रा. जामखेड, ता. अंबड, जि. जालना, हल्ली रा.बाणेर,पुणे) यांनी नगर तालुका पोलिस ठाण्यात फिर्याद दिली आहे.
Personal Loan| वैयक्तिक कर्ज मिळवा सर्वात कमी व्याजदरात; कर्ज मिळविण्यासाठी 5 टिप्सचा वापर करा.!
Nagar-Pune| अहिल्यानगर-पुणे महामार्गावर चास शिवारात लुटीच्या घटना वाढल्या
फिर्यादी हे जालना जिल्ह्यातील रहिवासी असून कामानिमित्त बाणेर,पुणे येथे वास्तव्यास आहेत.ते त्यांच्या मुळगावी गेले होते. तेथून २५ मार्चला पहाटे नगरमार्गे पुण्याकडे मारुती वेंगनआर कारने कुटुंबासह जात होते.फिर्यादी, त्यांची पत्नी, मुलगी, २ लहान मुले व चालक असे होते. नगरच्या पुढे चास शिवारात पहाटे ३.३० च्या सुमारास गेल्यावर फिर्यादी भोजने यांनी चालकाला कर रस्त्याच्या कडेला उभी करायला सांगितली व ते लघुशंकेसाठी कारमधून खाली उतरले. त्यावेळी रस्त्याच्या बाजूला अंधारातून अचानक दोघे जण आले, त्यांच्या हातात कोयते होते. त्यांना पाहून कार चालक कार चालू करायला लागला असता,
Table of Contents
त्या दोघांपैकी एकाने चालकाच्या डोळ्यात मिरची पूड टाकून कोयत्याच्या मुठीने त्याला मारले. त्या हल्ल्याने तो खाली कोसळला.तेवढ्यात दुसऱ्या चोरट्याने फिर्यादी यांना कारच्या दरवाजात जखडून ठेवत त्यांना कोयत्याच्या मुठीने मारहाण केली. कारमधील महिलांना कोयत्याचा धाक दाखवत सर्व दागिने काढून देण्यास सांगितले, भीतीपोटी महिलांनी दागिने काढून चोरट्यांच्या हवाली केले. ते सुमारे ८ तोळे वजनाचे दागिने घेवून दोघे चोरटे रस्त्याच्या बाजूला अंधारात पसार झाले. अधिक तपास पोलीस करीत आहेत.
