सोलापुर Solapur शहरातील अक्कलकोट एमआयडीसी परिसरातील एका कारखान्याला भीषण आग लागली आहे. सोलापूरमधील सेंट्रल इंडस्ट्री या कारखान्याला मध्यरात्री 3 च्या सुमारास आग लागली आणि पाहता पाहता या आगीने अतिशय रौद्ररूप धारण केलं आहे. या आगीची माहिती मिळताच अग्निशमन दलाच्या अेक गाड्या घटनास्थळी पोहोचल्या आणि त्यांनी आगीवर नियंत्रण मिळवण्याचे प्रयत्न सुरू केले.
Personal Loan| वैयक्तिक कर्ज मिळवा सर्वात कमी व्याजदरात; कर्ज मिळविण्यासाठी 5 टिप्सचा वापर करा.!
Solapur | सोलापुरमधील एमआयडीसीत कारखान्याला भीषण आग
अग्निशमन दलाच्या जवानांनी 3 जणांना कारखान्यातून बाहेर काढलं आहे. या आगीत तिघांना आपला जीव गमवावा लागल्याची माहिती समोर येत आहे. दरम्यान या आगीत तीन जणांचा होरपळून मृत्यू झाल्याची माहिती समोर आली आहे. तसेच आणखीही पाच ते सहा जण आग लागलेल्या या कारखान्याच्या आतच अडकून पडले आहेत. त्यांच्यापैकीही काही जणांचा मृत्यू झाल्याची भीती व्यक्त होत आहे. मिळालेल्या माहितीनुसार, आगीतून बाहेर काढलेल्या तिघांची अवस्था अजून गंभीर असून त्यांना उपचारांसाठी नजीकच्या रुग्णालयात दाखल करण्यात आलं आहे.
आग लागून अनेक तास उलटून गेल्यानंतरही ही आग विझलेली नाही. कारखान्यात आणखी पाच ते सहा कामगार अडकून पडले आहेत. टनास्थळी अग्निशमन दलाची मोठी टीम पोहोचली असून पोलिसांचाही मोठा बंदोबस्त तैनात आहे. आगीवर नियंत्रण मिळवण्यासाठी, ती विझवण्यासाठी अग्निशमन दलाचे जवान शर्थीचे प्रयत्न करत आहेत.
दरम्यान आग लागलेल्या या कारखान्यात टॉवेल तयार केले जायचे. त्या साहित्यामुळे आग आणखीनच पसरत गेली असून प्रचंड नुकसान झाल्याचे समजते. आगीमध्ये कारखान्यातील सर्व साहित्य जळून खाक झालं आहे.
Table of Contents
रात्री लागलेली ही आग इतकी भीषण होती की, मध्यरात्री संपूर्ण परिसर आगीच्या ज्वालांनी वेढला गेला होता. अगदी दूरवरूनही आगीच्या ज्वाळा स्पष्टपणे दिसत होत्या. इतक्या तासांनंतरही या आगीवर अद्यापही नियंत्रण मिळवता आलेलं नाही. अग्निशमन दलाकडून कारखान्यातील तापमान कमी करण्यासाठी प्रयत्न सुरू आहेत.
